Last updated on October 28th, 2024 at 08:24 am
ಬೆರಿಬೆರಿಕ್ ರಜೆ, ಎಡ್ಡೆಮಿಲ್ಲ್, ಪರ್ಬ ಉಪ್ಪುನೆರ್ದಾವರ ಜನಕುಲೆಡ ಎಚ್ಚಿನ ರೇಟ್‌ಗ್ ಟಿಕೆಟ್ ಮಾರುನ ತೆರಿದ್ ಬತ್ತ್ಂಡ ನಿಕಲೆನ ಪರ್ಮಿಟ್ ಅಂಚೆನೆ ಆರ್.ಸ್ ರದ್ದ್ ಮಲ್ಪುವ ಪನ್ದ್ ಸಾರಿಗೆ ಇಲಾಖೆ ಖಾಸಗಿ ಬಸ್‌ದ ದನಿಕುಲೆಗ್ ಎಚ್ಚರಿಗೆ ಕೊರ್ತುಂಡು.
ತುಡರ ಪರ್ಬ ಅಂಚೆನೆ ಬೆರಿ ಬೆರಿಕೆ ರಜೆ ಉಪ್ಪುನೆರ್ದಾವರ ಬೆಂಗಳೂರುರ್ದ್ ಊರುಗು ಪೋಪಿನಕಲೆನ ಸಂಖ್ಯೆ ಜಾಸ್ತಿ ಉಂಡು. ಉಂದೆನೇ ನೆವನ ಪತ್ತ್‌ದ್ ಆನ್‌ಲೈಕ್ ಬುಕಿಂಗ್‌ಡ್ ಮೂಜಿ-ನಾಲ್ ಪಟ್ಟ್ ಎಚ್ಚಿಗೆ ರೇಟ್ ದೆತೊನೊಂದಿಪ್ಪುನ ತೆರಿದ್ ಬೈದ್ಂಡ್. ಅಂಚಾದ್ ಖಾಸಗಿ ಬಸ್ ಮಾಲಿಕೆರೆನ್ ಪಾತೆರಕತೆಗ್ ಲೆತ್ತ್, ಲೆಕ್ಕೊರ್ದು ಜಾಸ್ತಿ ರೇಟ್ ಮಲ್ಪರೆ ಬಲ್ಲಿ ಪನ್ದ್ ತೆರಿಪಾದ ಪನ್ದ್ ಸಾರಿಗೆ ಇಲಾಖೆದ ಆಯುಕ್ತೆ ಆಯಿನ ಎ.ಎಂ ಯೋಗಿಶೆರ್ ಪನ್ತೆರ್.
ಈ ಸೂಚನೆನ್ ಗಿರೆಪನ್ದೆ, ಪ್ರಯಾಣಿಕೆರೆಡ ಡಬಲ್ ರೇಟ್ ದೆತೊನ್ಡರ್ಡ ಬಸ್ ಮಾಲಿಕೆರೆನ ಅಂಚೆನೆ ಟಿಕೆಟ್ ಬುಕಿಂಗ್ ಆಪ್‌ದ ಮಿತ್ತ್ ಕಾನೂನು ಕ್ರಮ ದೆತೊನ್ವ ಪನ್ದ್ ಎಚ್ಚರಿಗೆ ಕೊರಿಯೆರ್. ಖಾಸಗಿ ಬಸ್‌ಲು ಸಾಮಾನ್ಯ ರೇಟ್‌ರ್ದ್ ಜಾಸ್ತಿ ದೆತೊನಿಯೆರ್ಡ 9449863429 ಇಜಿಂಡ 9449863426 ಗ್ ಲೆಪ್ಪು ಕೊರ್ದು ತೆರಿಪಾಲೆ ಪನ್ದ್ ಪನ್ಡೆರ್.