ತುಳುನಾಡ್‌ಡ್ ಉಪ್ಪುನ ತುಳು ಶಾಸನೊಲು ಪೊಡಿಯಾದ್ ಮಾಜೊಂದುಂಡು, ಜಿಲ್ಲಾಡಳಿತ ಮೌನ

Last updated on October 30th, 2024 at 10:32 am

ತುಳು ಭಾಷೆಡ್ ತಿಕ್ಕಿನ ಒಂತೆ ಶಾಸನೊಲೆಗ್ ಸಮಗಟ್ಟ್ ಭದ್ರತೆ ದಾಂತೆ ಅಲ್ಪಲ್ಪ ಪೊಲಿದ್ ಅವೆಟ್ ಬರೆತಿನ ಅಚ್ಚರೊಲು ಪೂರಾ ಮಾಜುನಲೆಕ್ಕ ಆತ್ಂಡ್. ಅವೆಕ್ ಬೋಡಾಪಿನ ವ್ಯವಸ್ಥೆ ಆವಡ್ ತುಳುತ ಇತಿಹಾಸೊನು ಒರಿಪಾವೊಡು ಪನ್ಪಿನ ಗೇನ ಆವಡ್ ಇದಮುಟ್ಟ ಜಿಲ್ಲಾಡಳಿತ, ಸ್ಥಳೀಯ ಆಡಳಿತ ಅಂಚೆನೆ ರಾಜ್ಯ ಸರಕಾರೊಗು ಬೈಜಿ.

ಏತೋ ಕಡೆಟ್ ಉಪ್ಪುನ ಶಾಸನೊಲೆನ್ ಅಲ್ಪದನೇ ದೇವಲ್ಯದಕುಲು ಇಜಿಂಡ ಸ್ಥಳೀಯೆರ್ ಎಡ್ಡೆಡ್ ದೀಪುನ ಪುನೆಪು ಮಲ್ದೆರ್. ಆಂಡ ಅವೆತ ಅಧ್ಯಯನ ಆವಡ್, ಅವೆನ್ ಪ್ರತಿಕೃತಿ ಆವಡ್ ಮಲ್ತ್ ದೀಪಿನ ಬೇಲೆ ಸರಕಾರ ಮಲ್ದಿಜಿ. ತನ್ಕುಲೆನ ನಿಲೆಟ್ ಅಧ್ಯಯನ ಮಲ್ತ್ ಅವೆನ್ ಒರಿಪಾವರೆ ಪುನೆಪು ಬತ್ತಿನಕಲೆಗ್ ಸರಕಾರ ಒಂಜಿ ರುಯಿತ ಬೆರಿಬಲಲಾ ಕೊರ್ತುಜಿ.

ತುಳುತ ಮಟ್ಟ್ ಗ್ ತಿಕ್ಕುನ ಒಂಜಿ ಒಂಜಿ ಅಕ್ಷರೊಲಾ ಅಮೂಲ್ಯವಾದುಂಡು. ಈತ್ ಪೂರಾ ತೆರಿದ್ಲಾ ಉಂದೆನ್ ಒರಿಪಾವುನ ಬೇಲೆ ಆವೊಂದಿಜ್ಜಿ. ತುಳುತಂಚಿ ಸರಕಾರೆಲೆಗ್ ಉಪ್ಪುನ ಸಸಾರ ನನ ಸಾರ ವರ್ಸ ಪೋಂಡಲಾ ಕಮ್ಮಿ ಆಪಿಲೆಕ್ಕ ತೋಜುಜಿ.