ಬಿಪಿಎಲ್ : ತೆರಿಗೆದಾರೆರೆನ ಅಂಚೆನೆ ಸರಕಾರಿ ಬೇಲೆಡುಪ್ಪುನಕಲೆನ ಕಾರ್ಡ್ ಮಾತ್ರ ಪೋಪಿನಿ । ಸರಕಾರದ ಸ್ಪಷ್ಟನೆ

Last updated on November 21st, 2024 at 05:31 pm

ರಾಜ್ಯೊಡು ಇಂಚಪ್ಪೊಗು ವಿವಾದೊಗು ನೆವನ ಆದಿತ್ತಿನ ರೇಷನ್ ಕಾರ್ಡ್ ಪೋಪಿನ ಸುದ್ದಿದ ಬಗೆಟ್ ಇನಿ ಸಚಿವೆರಾಯಿನ ಕೆ.ಎಚ್.ಮುನಿಯಪ್ಪೆರ್ ವಿಧಾನಸೌಧಡ್ ಪತ್ರಿಕಾಘೋಷ್ಟಿ ಮಲ್ತೆರ್.

ಕೇಂದ್ರ ಬೊಕ್ಕ ರಾಜ್ಯ ಸರಕಾರೊಡು ಒಟ್ಟು 1,50,59,431 ಕಾರ್ಡ್ ಉಂಡು. ಸಿಎಂ ಸಿದ್ದರಾಮಯ್ಯೆರೆನ ಸೂಚನೆದ ಮಿತ್ತ್ ಸದ್ಯೊಗು 1,02,509 ಕಾರ್ಡುಲೆನ ಪರಿಶೀಲನೆ ಆತ್ಂಡ್. ಒರಿದಿನ ಮಾತಾ ಬಿಪಿಎಲ್ ಅಂಚೆನೆ ಎಪಿಎಲ್ ಕಾರ್ಡುಲು ಅಂಚೆನೆ ಉಪ್ಪುವ ಪನ್ದ್ ಆರ್ ಪನ್ಡೆರ್.

ಕೇಂದ್ರ ಸರಕಾರದ ನಿಯಮೊದ ಲೆಕ್ಕ ಪರಿಶೀಲನೆ ಆವೊಂದುಂಡು. ಅನರ್ಹ ಪನ್ದ್ ಉಪ್ಪುನ ಕಾರ್ಡುಲು ಸಸ್ಪೆಂಡ್ ಆತ. ಅಂಚೆನೆ ಬಿಪಿಎಲ್ ಗ್ ಅನರ್ಹ ಪನ್ದ್ ಉಪ್ಪುನ ಎಪಿಎಲ್ ಆತ್ಂಡ್. ಬಿಪಿಎಲ್ ಗ್ ಅರ್ಹೆರಿತ್ತ್ ಲಾ ಎಪಿಎಲ್ ಆದಿತ್ತ್ಂಡ ಅಕಲೆಗ್ ಪಿರ ಪಟ್ಟುನ ಬೇಲೆ ಆಪುಂಡು ಪನ್ದ್ ಪನ್ಡೆರ್.

ತೆರಿಗೆ ಕಟ್ಟುನಕಲೆನ ಅಂಚೆನೆ ಸರಕಾರಿ ಬೇಲೆದಕಲೆನ ಕಾರ್ಡ್ ಪೋತುಂಡು ಅತ್ತಂದೆ ಬೇತೆಕಲೆನ ಕಾರ್ಡ್ ಮುಟ್ಟುದುಜ ಪನ್ದ್ ಆರ್ ಸ್ಪಷ್ಟನೆ ಕೊರಿಯೆರ್.