Last updated on November 23rd, 2024 at 12:44 pm
ಸಂಪುಟ ನರಸಿಂಹಸ್ವಾಮಿ ಶ್ರೀ ಸುಬ್ರಹ್ಮಣ್ಯ ಮಠ-ಕುಕ್ಕೆ ಸುಬ್ರಹ್ಮಣ್ಯ ಮಠತ ಡಾ. ಶ್ರೀ ಶ್ರೀ ಶ್ರೀ ವಿದ್ಯಾಪ್ರಸನ್ನತೀರ್ಥ ಸ್ವಾಮೀಜಿಲೆನ ಮುತಾಲಿಕೆಡ್ ಶ್ರೀನಿಕೇತನ ವಸ್ತುಸಂಗ್ರಹಾಲಯ & ಕೆಳದಿ ರಾಣಿ ಚೆನ್ನಮ್ಮಾಜಿ ಅಧ್ಯಯನ ಪೀಠ-ಕುಕ್ಕೆ ಸುಬ್ರಹ್ಮಣ್ಯ, ಪ್ರಾಚ್ಯಸಂಚಯ ಸಂಶೋಧನ ಕೇಂದ್ರ-ಒಡಿಪು ಬೊಕ್ಕ ಉಡುಪಿಗೆ ಬನ್ನಿ-ಒಡಿಪು ಮೊಕ್ಲೆನ ಒತ್ತೈತೊಡ್ ಸುರು ಮಲ್ದಿನ ಪ್ರಾಚ್ಯ ತೌಳವ ಕರ್ಣಾಟ ತಂಡೊರ್ದ್ ಹೆಬ್ರಿ ತಾಲೂಕ್ದ ಚಾರ ಬಸದಿ ಪಸಂದ್ರೊನ್ ನಿರ್ಮಲ ಮಲ್ಪುನ ಕಜ್ಜೊ ಬೆದ್ರ ಜೈನಕಾಶಿ ಮಠಾಧಿಪತಿ ಜಗದ್ಗುರು ಡಾ. ಸ್ವಸ್ತಿಶ್ರೀ ಚಾರುಕೀರ್ತಿ ಭಟ್ಟಾರಕ ಪಟ್ಟಾಚಾರ್ಯ ಪಂಡಿತಾಚಾರ್ಯ ಮಹಾಸ್ವಾಮೀಜಿಲೆನ ಉಪಸ್ಥಿತಿ ಬೊಕ್ಕ ಮಾರ್ಗದರ್ಶನೊಡ್ 17-11-2024 ದ ದಿನತಾನಿ ನಡತ್ಂಡ್.
ಕಜ್ಜೊನ್ ಆಯೋಜನೆ ಮಲ್ತಿನ ಶ್ರೀನಿಕೇತನ ವಸ್ತುಸಂಗ್ರಹಾಲಯ & ಕೆಳದಿ ರಾಣಿ ಚೆನ್ನಮ್ಮಾಜಿ ಅಧ್ಯಯನ ಪೀಠ-ಕುಕ್ಕೆ ಸುಬ್ರಹ್ಮಣ್ಯ, ಮುಲ್ತ ನಿರ್ದೇಶಕೆರಾಯಿನ ಡಾ. ಜಿ.ವಿ ಕಲ್ಲಾಪುರ ಬೊಕ್ಕ ಉಪನಿರ್ದೇಶಕೆರಾಯಿನ ಶ್ರುತೇಶ್ ಆಚಾರ್ಯ ಮೂಡುಬೆಳ್ಳೆ ಮೊಕ್ಲು ಬತ್ತಿ ಬಿನ್ನೆರೆನ್ ಎದುಕೊನಿಯೆರ್. ಕಜ್ಜೊದ ಉದಿಪನದ ಪಾತೆರೊನ್ ಪಾತೆರ್ನ ಸ್ವಾಮೀಜಿಲು ಸರ್ವಧರ್ಮ ಸಮನ್ವಯತೆದ ಒಟ್ಟುಗು ಪರಿತಿರಿನ್ ಒರಿಪಾದ್ ಅವೆನ್ ಕಾಪುನೆಟ್ಟ್ ಜವನೆರ್ ನನಾತ್ ಬೆರಿಸಾಯೊ ಕೊರೊಡ್ ಪಂದ್ ಪಂಡೆರ್.
ಈ ಕಜ್ಜೊಗು ಸಾಕಾರ ಮಲ್ಪುನೆಟ್ ಜಾನಪದ ಕ್ಷೇತ್ರೊಡ್ ಪುಗಾರ್ತೆ ಪಡೆದಿನಂಚಿನ ಬೊಕ್ಕ ರೆಡ್‌ಕ್ರಾಸ್ ಒಡಿಪು ಜಿಲ್ಲಾ ಘಟಕೊದ ಕಾರ್ಯಂತೆರ್ ಆಯಿನ ಡಾ. ಗಣನಾಥ ಎಕ್ಕಾರು, ಸರ್ಕಾರಿ ಪ್ರಥಮ ದರ್ಜೆ ಕಾಲೇಜ್-ಹೆಬ್ರಿ ಮುಲ್ತ ಪ್ರಾಚಾರ್ಯೆರ್ ಆಯಿನ ಡಾ. ವಿದ್ಯಾಧರ ಹೆಗ್ಡೆ ಬೊಕ್ಕ ಎನ್.ಎಸ್.ಎಸ್‌ದ ಬಾಲರಾಜ್ ಡಿ.ಬಿ ಬೊಕ್ಕ ಸರ್ಕಾರಿ ಪ್ರಥಮ ದರ್ಜೆ-ಕಾಲೇಜು, ಹೆಬ್ರಿ ಮುಲ್ಪದ ರಾಷ್ಟ್ರೀಯ ಸೇವಾ ಯೋಜನೆ, ರೋವರ್ ರೇಂಜರ್ಸ್ ಘಟಕ ಬೊಕ್ಕ ಯುವ ರೆಡ್‌ಕ್ರಾಸ್ ಘಟಕೊದ ಕಲ್ಪಾರ್ಥಿಲು, ಸುರಾಲ್ ಅರಂತಡೆತ ಸಂತೋಷ್, ಪುರಾತತ್ವ ಉತ್ಖನನ ವಿಭಾಗೊದ ಡಾ. ಎಸ್.ಜಿ. ಸಾಮಕ್, ಊರುದಕುಲ್, ಅಂಚನೆ ರಾಜೇಶ್ವರ ಉಪಾಧ್ಯಾಯ ಕಂಚಾರ್ತಿ ಬೊಕ್ಕ ಪರಿತಿರಿದ ಕಲ್ಪಾರ್ಥಿಲು, ಆಸಕ್ತೆರ್ ಪಾಲ್ ಗೆತೊಂಡೆರ್.
ಕಜ್ಜೊಡ್ ಸುಮಾರ್ ವರ್ಸೋರ್ದಿಂಚಿ ಚಾರ ಬಸದಿ ಪಸಂದ್ರೋನ್ ಸ್ವ ಇಚ್ಛೆಡ್ ನಿರ್ಮಲ ಮಲ್ತೊಂದು ಬತ್ತಿನ ವಿಜಯ ಬ್ಯಾಂಕ್-ಆರ್ಡಿಡ್ ಉದ್ಯೋಗಿಯಾದ್ ನಿವೃತ್ತೆರ್ ಅತಿನ ವಸಂತ ಶೆಟ್ಟಿ ಮೆರೆಗ್ ಮಾನಾದಿಗೆ ಮಲ್ತ್ಂಡ್. ಪ್ರಾಚ್ಯಸಂಚಯ ಸಂಶೋಧನ ಕೇಂದ್ರ-ಒಡಿಪು ನೆತ್ತ ಅಧ್ಯಯನ ನಿರ್ದೇಶಕೆರಾಯಿನ ಪ್ರೊ. ಎಸ್.ಎ ಕೃಷ್ಣಯ್ಯ, ಉಡುಪಿಗೆ ಬನ್ನಿ- ಒಡಿಪು ನೆತ್ತ ಸ್ಥಾಪಕೆರಾಯಿನ ಡಾ. ಗಣೇಶ್‌ಪ್ರಸಾದ್ ಜಿ. ನಾಯಕ್, ವಾದಿರಾಜ ಶೆಟ್ಟಿ, ತುಳುನಾಡು ವಾರ್ತೆ ಬೊಕ್ಕ ಸಾಮಾಜಿಕ ಜಾಲತಾಣ ನೆತ್ತ ಸ್ಥಾಪಕ ನಿರ್ದೇಶಕೆರಾಯಿನ ಪುನೀತ್ ಮೊಕ್ಲು ಬೆರಿಸಾಯೊ ಕೊರಿಯೆರ್.
