ಮುಲ್ಕಿ : ಕಾರ್ತಿಕ್ ಭಟ್ ಬೊಕ್ಕ ಬೊಡೆದಿ,ಬಾಲೆದ ಮರ್ಡರ್ ವಿಷಯ, ದಿನೊಕ್ಕೊಂಜಿ ತೆಲಾವು

Last updated on November 13th, 2024 at 12:34 pm

ಪಕ್ಷಿಕೆರೆ : ಕಾರ್ತಿಕ್ ಭಟ್ ತನ್ನ ಬೊಡೆದಿ ಪ್ರಿಯಾಂಕ ಬೊಕ್ಕ ಬಾಲೆ ಹೃದಯ್ ನ್ ಕೆರ್ದ್ ತಾನ್ಲಾ ರೈಲ್ ಗ್ ಮಂಡೆ ಕೊರ್ದು ಆತ್ಮಹತ್ಯೆ ಮಲ್ತೊಂದಿನ ಪ್ರಕರಣೊಡು ಮಹತ್ವದ ಬುಲೆಚ್ಚಿಲುಲು ಆವೊಂದುಂಡು. ಪೋಲೀಸ್ ಜಡ್ತೆದ ಪೊರ್ತುಡು ಕಾರ್ತಿಕ್ ಮೆರೆನ ಮೊಬೈಲ್ ಇಲ್ಲದ ಶೌಚಾಲಯದ ಕಮೋಡ್ ಡ್ ತಿಕ್ಕ್ಂಡ್.

ಕಾರ್ತಿಕ್ ಬೊಕ್ಕ ಪ್ರಿಯಾಂಕ ಇರ್ವೆರ್ ಗಲಸೊಂದಿತ್ತಿನಲಾ ಮೊಬೈಲ್ ತಿಕ್ಕುದ್ಂಡ್. ಅವೆಟ್ ಪಾಕ ಮಹತ್ವದ ಸಂಗತಿಲು ಪಿದಯಿ ಬೂರುನ ಸಾಧ್ಯತೆ ಉಂಡು. ಇರ್ವೆರ್ನ ಮೊಬೈಲ್ ನ್ ಕಮೋಡುಗು ಪಾಡಿನಕುಲು ಏರ್ ಪನ್ಪಿನ ಕೇನ್ಪು ಉಂಡು. ಈ ಮೊಬೈಲ್ ಲೆನ್ ತಜ್ಞೆರೆನ ಜಡ್ತೆಗ್ ಕಡಪುಡರೆ ಪೊಲೀಸೆರ್ ಅಟ್ಟನೆ ಮಲ್ದೆರ್.

ಇಲ್ಲಡ್ ಗೋಡೆಡ್ ಇತ್ತಿನ ಕಾರ್ತಿಕ್ ಬೊಕ್ಕ ಬೊಡೆದಿ ಬಾಲೆದ ಗ್ರೂಪ್ ಫೋಟೋಗು ಮಜ್ಜಿ ಪೂಜಿನಕುಲು ಏರ್ ಪನ್ದ್ ನನಲ ತೆರಿದ್ ಬೈಜಿ. ಈ ನಡಕೆಲು ಒಂಜೆರ್ದ್ ಒಂಜೆಕ್ ಕೊಲ್ಕೆ ದಾಂತಿಲೆಕ್ಕ ಆದ್ ಪೊಲೀಸೆರೆಗ್ಲಾ ಬಂಗ ಆತ್ಂಡ್.