ಕುಡ್ಲ : ಕಾಲೇಜ್‌ಡ್ ಕುಸ್ಕುದು ಬೂರಿನ ಉಪನ್ಯಾಸಕಿ ತೀರಿಯೆರ್

Last updated on November 14th, 2024 at 09:19 am

ಕಾಲೇಜ್‌ಡ್ ಕುಸ್ಕುದು ಬೂರಿನ ಉಪನ್ಯಾಸಕಿ ಒರ್ತಿ ತೀರ್ನ ನಡಕೆ ಬುದಾರ ನಡತ್ಂಡ್. ಕುಡ್ಲದ ಸಂತ ಅಲೊಶಿಯಸ್ ಕಾಲೇಜ್‌ದ ಉಪನ್ಯಾಸಕಿ ಬಜಪೆದ ಗ್ಲೋರಿಯಾ ರೋಡ್ರಿಕಸ್ (23) ತೀರಿಯೆರ್.

ಫುಡ್ ಅಲರ್ಜಿಡ್ ಗ್ಲೋರಿಯಾ ಮಧ್ಯಾಹ್ನ ವನಸ್ ಮಲ್ತ್ ಕಾಲೇಜಿಡ್ ಕುಸ್ಕುದು ಬೂರ್ದಿತ್ತೆರ್. ಅರೆನ್ ಅಪಗನೇ ಕಂಕನಾಡಿದ ಫಾದರ್ ಮುಲ್ಲರ್ ಆಸ್ಪತ್ರೆಗ್ ಕೊನೊದಿತ್ತೆರ್.

ಗ್ಲೋರಿಯಾ ಮೆರೆಗ್ ಫುಡ್ ಅಲರ್ಜಿದ ಸಮಸ್ಯೆ ಇತ್ತ್ಂಡ್. ಉಂದೆರ್ದಾವರ ದುಂಬುಲ ಸಮಸ್ಯೆಲು ಆದ್ ಬೊಕ್ಕ ಸಮ ಆದಿತ್ತೆರ್ ಪನ್ದ್ ಇಲ್ಲದಕುಲು ತೆರಿಪಾದೆರ್. ಆಸ್ಪತ್ರೆಗ್ ಕೊನೊನಗ ಅರೆನ ಮಿದುಳು ನಿಷ್ಕೃಿಯ ಆತಿನೆನ್ ತಜ್ಞೆರ್ ತೆರಿಪಾದೆರ್. ಗ್ಲೋರಿಯಾ ಮೇರೆಗ್ ಅಪ್ಪೆ ಅಮ್ಮೆ ಅಂಚೆನೆ ಒಪ್ಪ ಪುಟ್ಟಿನಾರ್ ಉಲ್ಲೆರ್.