ಕುಡ್ಲ : ಬಂಗುಡೆ ಬಾರೀ ಅಗ್ಗ, ವಿದೇಶೊಡು ಬೇಡಿಕೆದ ಕುಂದೆಲ್

Last updated on November 9th, 2024 at 05:24 pm

ತಿಂಗೊಲ್ದ ಪಿರವು ಕೆಜಿಗ್ 200-250 ರೂ ಇತ್ತಿನ ಬಂಗುಡೆ ಇತ್ತೆ ಬಾರೀ ಅಗ್ಗ ಆತ್ಂಡ್. ಇತ್ತೆ ಕಿಲೊಕು 100-150ರೂ ಗ್ ತಿಕ್ಕುಂಡು. ಒಂತೆ ದಿನೆತ ದುಂಬು ಕುಡ್ಲ ಮಾರ್ಕೇಟ್ ಡ್ ಕಿಲೊಕು 80ರೂ ಗ್ ಮಾರ್ದಿನಲಾ ಉಂಡು. ವಿದೇಶೊಲೆಡ್ ಬಂಗುಡೆಗ್ ಬೇಡಿಕೆ ಕಮ್ಮಿ ಆದ್ ಊರಪದ ಮಾರ್ಕೇಟ್ ಲೆಡ್ ಎಚ್ಚಿನ ಬಂಗುಡೆ ಬರೊಂದಿಪ್ಪುನೆರ್ದಾವರ ಮೀನ್ ರ ರೇಟ್ ಕಮ್ಮಿ ಆತ್ಂಡ್.

ತುಳುನಾಡ್ ದ ಕಡಲಾಯೆರೆಗ್ ಬಂಗುಡೆ ಮೀನ್ ಎಚ್ಚಾದ್ ತಿಕ್ಕುಂಡು. ಬಂಗುಡೆಗ್ ಎಡ್ಡೆ ರೇಟ್ ಇತ್ತ್ಂಡ ಮಾತ್ರ ಕಡಲಾಯೆರೆಗ್ ಲಾಭ. ರೇಟ್ ಕಮ್ಮಿ ಆದ್ ಬೋಟುದಕಲೆಗ್ಲಾ ನಷ್ಟ ಆತ್ಂಡ್. ಡಿಸೀಲ್ ಗ್ ಪಾಡಿನ ಕಾಸ್ ಲಾ ಪಿರ ಬರ್ಪುಜಿ ಪನ್ಪಿನವು ಬೋಟುದಕಲೆನ ಬೆಸರ್ದ ಪಾತೆರ. ಇತ್ತೆ ವಿದೇಶೊಲೆಡ್ ಬೇತೆ ಮೀನುಲೆಗ್ ಬೇಡಿಕೆ ಉಪ್ಪುನೆರ್ದ್ ಬಂಗುಡೆ ರಫ್ತ್ ಆವೊಂದಿಜ್ಜಿ ಅಂಚಾದ್ ಎಚ್ಚಿನ ಮಾತಾ ಬಂಗುಡೆಲ್ ಊರ್ದ ಮಾರ್ಕೇಟ್ ಲೆಗ್ ಬರೊಡು. ಮಲ್ಲ ಬಂಗುಡೆಲಾ ಎಚ್ಚಿಗೆ ಬರೊಂದುಂಡು.