Last updated on November 13th, 2024 at 08:15 am
ಮಂಗಳೂರು ವಿಶ್ವವಿದ್ಯಾಲಯ ವ್ಯಾಪ್ತಿದ ಪದವಿ-ಸ್ನಾತಕೋತ್ತರ ವಿದ್ಯಾರ್ಥಿಲೊನ ಪರೀಕ್ಷಾ ಫೀಸ್ ಅಂಚೆನೆ ಮಾತಾ ಫೀಸ್ ಎಚ್ಚಿಗೆ ಆತ್ಂಡ್.
ಮಂಗಳೂರು ವಿ.ವಿ ಬಾರೀ ಮಲ್ಲ ಆರ್ಥಿಕ ಸಂಕಸ್ಟೊಡು ಇತ್ತಿಲೆಕ್ಕ ಉಂಡು. ಅವೆರ್ದ್ ಪಿದಯಿ ಬರ್ರೆ ಮಾತಾ ಮಟ್ಟ್ ದ ಪುನೆಪು ಬರೊಂದುಂಡು. ಅಂಚಾದ್ ಜೋಕುಲೆನ ಫೀಸ್ ಏರಾದ್ ಆರ್ಥಿಕ ಸಂಕಸ್ಟೊರ್ದು ಪಿದಯಿ ಬರ್ರೆ ತೂವೊಂದುಂಡು. ಪರೀಕ್ಷಾ ಶುಲ್ಕೊನು 100% ಜಾಸ್ತಿ ಮಲ್ದೆರ್ ಪನ್ದ್ ಸುದ್ದಿ ಉಂಡು.
ಕರಿನ ವರ್ಸ ಪರೀಕ್ಷಾ ಶುಲ್ಕ 670 ರೂ ಪನ್ದ್ ವಸೂಲಿ ಮಲ್ದಿತ್ತೆರ್ಡಲಾ ನನಲ ವಿ.ವಿ ದಕುಲ ಜೋಕುಲೆಗ್ ಮಾರ್ಕ್ ಕಾರ್ಡ್ ಕೊರ್ತುಜೆರ್. ಈ ವರ್ಸ ಕುಡ ಪರೀಕ್ಷಾ ಶುಲ್ಕ ಪನ್ದ್ 1200 ರೂ ವಸೂಲಿ ಮಲ್ತೊಂದುಲ್ಲೆರ್. ಈ 1200ರೂ ಡ್, 500ರೂ ” ಅಂಕಪಟ್ಟಿ ಶುಲ್ಕದ ಬಾಬ್ತು” ಪನ್ದ್ ಉಂಡು. ಅಂಕಪಟ್ಟಿ ಕೊರ್ಪಿನ ಪದ್ದತಿ ಇತ್ತೆ ಉಪ್ಪಂದಿನದಗ ಈ ಶುಲ್ಕ ದಾಯೆಗ್ ಪನ್ದ್ ಪನ್ದ್ ವಿದ್ಯಾರ್ಥಿಲು ಕೇನೊಂದುಲ್ಲೆರ್. ವಿ.ವಿದ ಆರ್ಥಿಕ ಸಂಕಷ್ಟೊರ್ದು ಪಿದಯಿ ಬರ್ರೆ ಜೋಕುಲೆನ ಮಿತ್ತ್ ದಾಯೆಗ್ ಪುದೆ ಪಾಡುನು ಪನ್ದ್ ಜೋಕುಲೆನ ವಾದ.