Last updated on November 20th, 2024 at 07:05 am
ಮಂಗಳೂರು ವಿಶ್ವವಿದ್ಯಾಲಯ ಆರ್ಥಿಕ ಪುದೆನ್ ಸಮ ಮಲ್ತೊನರೆ ಪಾಕ ಸ್ನಾತಕೋತ್ತರ ಅಧ್ಯಯನ ವಿಭಾಗೊಲೆನ್ ಮುಚ್ಚಿದೆರ್. 10ರ್ದ್ಲಾ ಎಚ್ಚಿನ ವಿಭಾಗೊಲೊಗ್ ಈ ವರ್ಸ ಸುರುತ ವರ್ಸೊಗು ಅಡ್ಮಿಶನ್ ದೆತೊನ್ದುಜೆರ್. ಉಂದೆರ್ದಾವರ ಪ್ರಾಧ್ಯಾಪಕೆರ್ನ ಬೇಲೆಗ್ಲಾ ಇತ್ತೆ ಸಂಚಿಕಾರ ಬೈದ್ಂಡ್.
ಪ್ರತೀ ವಿಭಾಗೊಡು ಕಮ್ಮಿರ್ದ್ ಕಮ್ಮಿ 15 ಜೋಕುಲು ಉಪ್ಪೊಡು ಪನ್ದ್ ರಡ್ಡ್ ತಿಂಗೊಲ್ದ ದುಂಬು ಮಂಗಳೂರು ವಿವಿದ ಸಿಂಡಿಕೇಟ್ ಸಭೆಟ್ ನಿರ್ಣಯ ಆದಿತ್ತ್ಂಡ್. ವಿದ್ಯಾರ್ಥಿಲು ಕಮ್ಮಿ ಇತ್ತಿನ ವಿಭಾಗೊನು ತಾತ್ಕಾಲಿಕವಾದ್ ಮುಚ್ಚುನ ನಿರ್ಣಯಲಾ ಆದಿತ್ತ್ಂಡ್. ಅವೆರ್ದ್ ಬೊಕ್ಕ 15 ಇತ್ತಿನ ಮಾನದಂಡೊನು 10ಕ್ಕ್ ಜಪುಡಾದಿತ್ತೆರ್. ಆಂಡಲಾ ಪರಿಸರ ವಿಜ್ಞಾನ, ಸ್ಟಾಟಿಸ್ಟಿಕ್, ಇಲೆಕ್ಟ್ರಾನಿಕ್ಸ್, ಎಂ.ಇಡಿ, ಎಂ.ಎಸ್.ಡಬ್ಲ್ಯೂ, ಜಿಯೋ ಇನ್ಫರ್ಮಾಟಿಕ್ಸ್, ಮೆಟೀರಿಯಲ್ ಸೈನ್ಸ್, ಕೊಂಕಣಿ ಎಂ.ಎ, ಸಮೂಹ ಮಾಧ್ಯಮ ಬೊಕ್ಕ ಪತ್ರಿಕೋದ್ಯಮ ವಿಭಾಗೊಲೆನ್ ಮುಚ್ಚಿದೆರ್. ಮುಲ್ಪ ಕಲ್ಪಾವೊಂದಿತ್ತಿನ ಪರ್ಮನೆಂಟ್ ಬೇಲೆದಕ್ಲೆಗ್ಲಾ ಇತ್ತೆ ಪ್ರಾಬ್ಲಮ್ ಆತ್ಂಡ್.