Last updated on November 8th, 2024 at 11:06 am
ತುಳು ಬಾಸೆ ಅಲಿಯಂತ್ರ ಆವೊಂದುಂಡು, ತುಳುನು ಒರಿಪಾವುನ ಕಜ್ಜ ಆವೊಡು ಪನ್ತ್ ಜವನೆರ್ ಪುನೆಪು ಬರೊಂದಿಪ್ಪುನ ಈ ಪೊರ್ತುಡು ಪಡ್ಡೆದ್ರದ ಮುಂಡಾಲ ಯುವ ವೇದಿಕೆದಕುಲು ಪಾಡಿನ ತುಳು ಬ್ಯಾನರ್ ಗ್ ಬಾರೀ ಪುಗಾರ್ತೆ ತಿಕ್ಕ್‌ದ್ಂಡ್.
ತುಳುವೆರೆ ದೈವೊಲು ತುಳುಟು ಪಾತೆರ್ಂಡಲಾ ನೇಮದ ಲೆಪ್ಪೋಲೆ ತುಳು ಬುಡ್ದ್ ಕನ್ನಡೊಡು ಮಲ್ಪುನ ಜನಕುಲು ಉಪ್ಪುನ ಈ ತುಳುನಾಡ್ ಡ್ ಮುಂಡಾಲ ಯುವ ವೇದಿಕೆದಕಲೆನ ಈ ಪುನೆಪು ಇಸೇಸ ಪನ್ದೇ ಪನೊಲಿ. 8 ಡಿಸೆಂಬರ್ ಐತಾರದಾನಿ ಪಡ್ಡೆದ್ರ ಶಾಲೆದ ಗೊಬ್ಬುದ ಕಲೊಟು ಮುಂಡಾಲ ಸಮಾಜದಕಲೆನ ಪಿರಾಕ್ದ ಗೊಬ್ಬುದ ಬುಲೆಚ್ಚಿಲ್ ಪನ್ಪಿನ ಲೇಸ್ ನಡಪರೆ ಉಂಡು.
ಕರಿನ ವರ್ಸಲಾ ಈ ಕೂಪೆದಕುಲು ಇಂಚೆನೇ ತುಳುಟು ಮಲ್ತ್ ಮಾತೆರೆಗ್ ಮಾದರಿಯಾತೆರ್. ತುಳುತ ಲೇಸ್, ತುಳುವೆರಾಯಿನ ನಮ ಲೇಸ್ ದ ಲೆಪ್ಪೋಲೆ, ಬ್ಯಾನರ್‌ಲೆನ್ ತುಳುಟೇ ಪಾಡೊಡು ಪನ್ಪಿನೆನ್ ಮಲ್ತ್ ತೂಪಾಯಿನ ಈ ವೇದಿಕೆದ ಜವನೆರೆಗ್ ತುಳು ಸಮಾಚಾರದ ಲೆಕ್ಕೊಡು ಸೊಲ್ಮೆಲ್. ಉಂದೆನ್ ತೂದಾಂಡಲ ನನಲಾತ್ ತುಳುಟು ಬ್ಯಾನರ್, ಲೆಪ್ಪೋಲೆಲು ಬರಡ್ ಪನ್ಪಿನವು ನಮ್ಮ ಅಂಗಲಪ್ಪು.