Last updated on November 23rd, 2024 at 09:49 am
ಗುಂಡ್ಯ : ಕುಡ್ಲ- ಬೆಂಗಳೂರು ರಾಷ್ಟ್ರೀಯ ಪೆರ್ಸಾದಿದ ಗುಂಡ್ಯ ಮುಟ್ಟದ ಅಡ್ಡಹೊಳೆ ಪನ್ಪಿನಲ್ಪ ಕಾಂಡೆಕಾಂಡೆ ಬೆರಿಬೆರಿ ಎಡ್ತೆ ನಡತಿತ್ತ್‌ದ್ 30ರ್ದ್‌ಲಾ ಎಚ್ಚ ಜನೊಕು ಗಡಿಕುಲಾತ. ಪ್ರೈವೇಟ್ ಬಸ್, ಕೆಎಸ್ಸಾರ್ಟಿಸಿ ಬಸ್ ಬೊಕ್ಕ ಕಾರ್‌ದ ನಡುಟು ಈ ಎಡ್ತೆ ನಡತ್‌ದ್ಂಡ್.
ಬೆಂಗಳೂರು ಮೂಲೊದ ಕಾಲೇಜ್ ವಿದ್ಯಾರ್ಥಿಲು ಕುಂದಾಪುರೊಗು ಪ್ರವಾಸೊಗು ಪೋದಿತ್ತ್‌ದ್ ಪಿರ ಪೋವೊಂದುಪ್ಪುನಗ ಈ ನಡಕೆ ನಡತ್‌ದ್ಂಡ್. ಡ್ರೈವರ್‌ನ ಅಂಕೆ ತತ್ತ್‌ದ್ ಪ್ರೈವೇಟ್ ಬಸ್ ಪಲ್ಟಿಯಾದ್ ಕೆಎಸ್ಸಾರ್ಟಿಸಿ ಬಸ್‌ಗ್ ಎಡ್ತ್‌ದ್ಂಡ್. ಅವ್ವೆ ಪೊರ್ತುಡು ಪಿರವುರ್ದ್ ಬರೊಂದಿತ್ತಿನ ಕಾರ್ ಒಂಜಿ ಕೆಎಸ್ಸಾರ್ಟಿಸಿ ಬಸ್‌ಗ್ ಎಡ್ತ್‌ದ್ ಬೆರಿಬೆರಿ ಎಡ್ತೆ ನಡತ್‌ದ್ಂಡ್.
ಎಡ್ತೆಡ್ ಸುಮಾರ್ ಮುಪ್ಪರ್ದ್‌ಲಾ ಎಚ್ಚ ಜನಕ್ ಗಡಿಕುಲಾತ. ಪೆಟ್ಟಾತಿನಕಲೆಗ್ ನೆಲ್ಯಾಡಿ ಬೊಕ್ಕ ಕಡಬದ ಪ್ರೈವೇಟ್ ಆಸ್ಪತ್ರೆಲೆಡ್ ಪ್ರಾಥಮಿಕ ಮರ್ದ್ ಕೊರ್ತೆರ್. ಒಂತೆ ಜನನ್ ಎಚ್ಚಿನ ಮರ್ದ್‌ಗ್ ಪುತ್ತೂರ್‌ಗ್ ಲೆತೊಂದು ಪೋತೆರ್. ಈ ನಡಕೆ ಉಬಾರ್ ಪೋಲಿಸ್ ಸ್ಟೇಷನ್ ಸೀಮೆಡ್ ನಡತ್‌ದ್ಂಡ್.