Last updated on November 6th, 2024 at 07:33 pm
ಪೆರಿಯಡ್ಕ – ಕುಕ್ಕೆಹಳ್ಳಿ ತಾದಿದಲ್ಪ ಸುವರ್ಣ ತುದೆಕ್ ಅಡ್ಡ ಕಟ್ಟ್‌ದಿನ ಬಜೆ ಡ್ಯಾಂದ ಕೈತಲ್ ಬಾರೀ ಮಲ್ಲ ಶಿಲಾಯುಗದ ಉಂತಿಕಲ್ಲ್ ತೋಜರೆ ತಿಕ್ಕ್‌ದ್ಂಡ್.
ಉದಯವಾಣಿದ ಉದ್ಯೋಗಿಯಾಯಿನ ಗಣೇಶ್ ನಾಯ್ಕ್ ಚೇರ್ಕಾಡಿ ಅಂಚೆನೆ ಸರಕಾರಿ ಪ್ರೌಢಶಾಲೆ ನಿಡ್ಲೆದ ಹಿಂದಿದ ಅಧ್ಯಾಪಕೆರಾಯಿನ ಗೀತೇಶ್ ಮೊಕುಲು ಉಂದೆನ್ ನಾಡ್ ಪತ್ತ್‌ದೆರ್.
6 ಅಡಿ ಎಪ್ಪರ ಉಪ್ಪುನ ಈ ಕಲ್ಲ್‌ನ್ ಅಲ್ಪದಕುಲು ಗಡಿಕಲ್ಲ್ ಪನ್ದ್ ಪನ್ಪೆರ್. ಉಂದೆರ್ದ್ ದುಂಬು ಮುಲ್ಪ ಕ್ಷೇತ್ರಕಜ್ಜೊ ಮಲ್ದಿನ ಯು.ಕಮಲಾಬಾಯಿ ಪ್ರೌಢಶಾಲೆದ ನಿವೃತ್ತ ಅಧ್ಯಾಪಕೆರಾಯಿನ ಕೆ.ಶ್ರೀಧರ್ ಭಟ್ ಮೇರ್ ಬೃಹತ್ ಶಿಲಾಯುಗೊದ ಪಾಕ ಕೂವೆದೂಪೆಲು, ಅಂಚೆನೆ ಸೂಕ್ಷ್ಮ ಬೊಕ್ಕ ಪೊಸ ಶಿಲಾಯುಗದ ಒರಿಕೆಲೆನ್ ನೆಟೆ ನಾಡ್ ಪತ್ತ್‌ದಿತ್ತೆರ್. ಆಂಡ ಇತ್ತೆ ರೋಡ್ ಅಗೆಲ ಆನಗ ಪಾಕ ಇಂಚಿನ ಅವಶೇಷೊಲು ನಾಶ ಆದಿಪ್ಪ ಪನ್ದ್ ತೆರಿದ್ ಬೈದ್ಂಡ್.