Last updated on November 22nd, 2024 at 07:39 pm
ಬೆದ್ರ: ಆಳ್ವಾಸ್ ಕಾಲೇಜಿದ ಆಣ್ ಒರಿ ಹಾಸ್ಟೆಲ್‌ದ ಕಂಡಿಗ್ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊಂದಿನ ನಡಕೆ ಗುರುವಾರ ವರದಿಯಾದಿತ್ತ್‌ದ್, ಶುಕ್ರವಾರ ಬೊಲ್ಪುಗು ಬೈದ್ಂಡ್.
ಆತ್ಮಹತ್ಯೆ ಮಲ್ತೊಂದಿನ ಆಣ್ ಬೆಂಗಳೂರು ಮುಟ್ಟದ ಹೊಸೂರು ನಿವಾಸಿ, ಇತ್ತೆ ಬೆದ್ರದ ಆಳ್ವಾಸ್ ಕಾಲೇಜಿಡ್ ಮೂಜನೇ ವರ್ಸೊದ ಬಿಬಿಎಂ ಕಲ್ತೊಂದಿತ್ತಿನ ಶಶಾಂಕ್ ಪನ್ದ್ ಗುರ್ತ ಪತ್ತ್‌ದೆರ್.
ಶಶಾಂಕ್ ಕಾಲೇಜಿದ ಯಮುನಾ ಹಾಸ್ಟೆಲ್‌ಡ್ ಆತ್ಮಹತ್ಯೆ ಮಲ್ತೊಂದಿತ್ತ್‌ದ್, ಡೆತ್ ನೋಟ್ ಬರೆದ್ ದೀತೆ ಪನ್ದ್ ಪನೊಂದುಲ್ಲೆರ್.
ನಡಕೆದ ಜಾಗೆಗ್ ಬೆದ್ರ ಪೊಲೀಸೆರ್ ಬತ್ತ್‌ದ್ ಪರಿಶೀಲನೆ ಮಲ್ತಿತ್ತ್‌ದ್, ಡೆತ್ ನೋಟ್‌ನ್ ವಶೊಕು ಗೆತೊಂದೆರ್ ಪನ್ದ್ ತೆರಿದ್ ಬೈದ್ಂಡ್.
ಮೃತದೇಹೊನು ಬೆದ್ರ ಸರಕಾರಿ ಆಸ್ಪತ್ರೆಡ್ ಮರಣೋತ್ತರ ಪರೀಕ್ಷೆ ಮಲ್ತ್‌ದ್ ಶುಕ್ರವಾರ ಕಾಂಡೆ ಇಲ್ಲದಕ್ಲೆಗ್ ಕೊರ್ತೆರ್. ನಡಕೆಗ್ ಸಂಬಂಧಿತ್‌ದ್ ಪ್ರಕರಣ ದಾಕಲ್ತೊಂದಿನ ಬೆದ್ರ ಪೊಲೀಸೆರ್, ಜಡ್ತೆ ದುಂಬರಿತ್‌ದೆರ್.