Last updated on November 5th, 2024 at 11:39 am
ದೈವದ ಪರಕೆ ಸಂದಾವರೆ ಕೋರಿ ಪತೊಂದು ಪೋವೊಂದಿತ್ತಿನ ಜನತ ಮಿತ್ತ್ ಮರ ಬೂರ್ದು ತೀರಿನ ನಡಕೆ 2 ದಿನತ ಪಿರ ನಡತ್‌ದಿತ್ತ್ಂಡಲಾ, ಸ್ಕೂಟಿಡ್ ಕೊನೊತಿನ ಕೋರಿ ಮಾತ್ರ ನಡಕೆ ನಡತಿನ ಜಾಗೆ ಬುಡಂದೆ ಮಾತೆರೆಗ್ಲಾ ಸೋಜಿಗ ಕನದ್ಂಡ್.
ಕಡಬ ತಾಲೂಕುದ ಕೊಡಿಂಬಾಳ ಕೈತಲ್ದ ಪುಳಿಕುಕ್ಕು ಮುರಚೆಡವುದ ಕೈತಲ್ ಸ್ಕೂಟಿಡ್ ಪೋವೊಂದಿತ್ತಿನರೆನ ಮಿತ್ತ್ ದೂಪೆದ ಮರ ಬೂರ್ದಿನ ನಡಕೆ ನವೆಂಬರ್ 2ಕ್ಕ್ ನಡದ್ಂಡ್. ಈ ನಡಕೆಡ್ ಎಡಮಂಗಲ ಗ್ರಾಮದ ಸೀತಾರಾಮ ಗೌಡ ಮೇರ್ ಜಾಗೆಡೇ ತೀರ್ದಿತ್ತೆರ್. ಆ ಪೊರ್ತುಡು ಅರೆನೊಟ್ಟುಗು ಪರಕೆದ ಕೋರಿಲಾ ಇತ್ತ್ಂಡ್. ಸೋಜಿಗ ಪನ್ಡ ಕರಿನ ರಡ್ಡ್ ದಿನೊರ್ದಿಂಚಿಲಾ ಕೋರಿ ಅಲ್ಪನೇ ಉಂಡು ಪನ್ದ್ ತೆರಿದ್ ಬೈದ್ಂಡ್.