Last updated on December 22nd, 2024 at 09:03 am
ಒಡಿಪು, ಡಿಸೆಂಬರ್ 21 : ಜಿಲ್ಲೆದ ಮಾತಾ ಇವೆಂಟ್ ಮ್ಯಾನೇಜ್ಮೆಂಟ್, ಮದಿಮೆದ ಹಾಲ್, ಬೇತೆ ಲೇಸ್‌ಲ್ ನಡಫಳಪುನ ಸಭಾಂಗಣೊಲು, ಹೋಂ ಸ್ಟೇ, ರೆಸಾರ್ಟ್‌ಲೆನ ದನಿಕುಲು ಬೊಕ್ಕ ವ್ಯವಸ್ಥಾಪಕೆರೆನ ಇನಯ ಶುಕ್ರವಾರ ಜಿಲ್ಲೆದ ಅಬಕಾರಿ ಒತ್ತು ಆಯುಕ್ತೆರೆನ ಕಛೇರಿದ ಸಭಾಂಗಣೊಡು ನಡತ್ಂಡ್.
ಇನಯೊದ ಗುರ್ಕಾರ್ಮೆ ವೈತೊಂದು ಪಾತೆರ್ನ ಕುಡ್ಲ ವಿಭಾಗೊದ ಅಬಕಾರಿ ಜಂಟಿ ಆಯುಕ್ತೆ (ಜಾರಿ ಬೊಕ್ಕ ಜಡ್ತೆ) ಡಾ.ಬಾಲಕೃಷ್ಣ ಸಿ ಹೆಚ್, ಬರ್ಪಿನ ಕ್ರಿಸ್‌ಮಸ್, ಪೊಸ ವರ್ಸ ಆಚರಣೆ ಬೊಕ್ಕ ಬೇತೆ ಸಭೆ ಸಮಾರಂಭೊಲೆಡ್ ವನಸ್‌ದೊಟ್ಟುಗು ಗಂಗಸರ ವ್ಯವಸ್ಥೆ ಮಲ್ತ್ಂಡ ಅಬಕಾರಿ ಇಲಾಖೆರ್ದ್ ಕಡ್ಡಾಯವಾದ್ ಸಿಎಲ್-5 ಲೈಸೆನ್ಸ್‌ಲೆನ್ ಗೆತೊನೊಡು ಅಂಚೆನೇ ಸಭೆ ಸಮಾರಂಭೊಲೆಡ್ ಗೋವಾ ಮಾಲ್/ಟ್ಯಾಕ್ಸ್‌ದಾಂತಿನ ಮಾಲ್/ಕಲ್ವಮಾಲ್ ಗಲಸಂದಿಲೆಕ ಸೂಚನೆ ಕೊರ್ಯೆರ್.
ಇಲ್ಲಲೆಡ್ ನಡಪುನ ಮೆಹಂದಿ, ದೊಂಪ ಅಂಚೆನೇ ಬೇತೆ ಲೇಸ್‌ಲೆಡ್ ವನಸ್‌ದೊಟ್ಟುಗು ಗಂಖಸರ ದೀಪುಂಡಲಾ ಕಡ್ಡಾಯವಾದ್ ಸಿಎಲ್-5 ಲೈಸೆನ್ಸ್ ಗೆತೊನೊಡು, ಸುಂಕ ಕಟ್ಟಿನ ಮಾಲ್‌ನೇ ಗಲಸೊಡು ಪನ್ದ್ ಪನ್ಡೆರ್. ಒವ್ವೇ ಅಬಕಾರಿ ಅಕ್ರಮೊಲು ನಡತಿನ ತೋಜಿದ್ ಬತ್ತ್ಂಡ ಮೊಕದ್ದಮೆ ಪಾಡ್ದ್ ನಿಯಮಾನುಸಾರ ಕ್ರಮಗೆತೊನುವ ಪನ್ದ್ ತೆರಿಪಾಯಿನ ಆರ್, ಈ ದಿಸೆಟ್ ಅಬಕಾರಿ ಅಕ್ರಮೊಲೆನ್ ಉಂತಾಯೆರ ಸಾರ್ವಜನಿಕೆರೆ ಸಹಕಾರ ಅತ್ಯಗತ್ಯವಾದಿತ್ತ್‌ದ್, ಅಬಕಾರಿ ಅಕ್ರಮೊಲು ತೋಜಿದ್ ಬತ್ತ್ಂಡ ಒಡಿಪು ಜಿಲ್ಲಾ ಅಬಕಾರಿ ಒತ್ತು ಆಯುಕ್ತೆರ್: ಮೊ.ನಂ. 9449597104, ಒಡಿಪು ಒತ್ತು ವಿಭಾಗ ಅಬಕಾರಿ ಉಪ ಅಧೀಕ್ಷಕೆರ್: ಮೊ.ನಂ 9482520693, ಕುಂದಾಪುರ ಒತ್ತು ವಿಭಾಗ ಅಬಕಾರಿ ಉಪ ಅಧೀಕ್ಷಕೆರ್: ಮೊ.ನಂ 9448921980, ಒಡಿಪು ವಲಯ-1 ಅಬಕಾರಿ ನಿರೀಕ್ಷಕೆರ್: ಮೊ.ನಂ.944883554, ಒಡಿಪು ವಲಯ-2 ಅಬಕಾರಿ ನಿರೀಕ್ಷಕೆರ್: ಮೊ.ನಂ.9731860034, ಕಾರ್ಲ ವಲಯ ಅಬಕಾರಿ ನಿರೀಕ್ಷಕೆರ್ ಮೊ.ನಂ. 8892839092, ಕುಂದಾಪುರ ವಲಯ ಅಬಕಾರಿ ನಿರೀಕ್ಷಕೆರ್: ಮೊ.ನಂ.9731674117, ಜಿಲ್ಲಾತಂಡ ಅಬಕಾರಿ ನಿರೀಕ್ಷಕೆರ್: ಮೊ.ನಂ. 9035773785 ನ್ ಸಂಪರ್ಕಿತ್‌ದ್ ಒಯಿಲ್ ಕೊರೊಲಿ ಪನ್ದ್ ಪನ್ಡೆರ್.
