Last updated on December 19th, 2024 at 10:06 am
ದೂರೊದ ಆಸ್ಟ್ರೇಲಿಯಾಡ್ ನಡತೊಂದಿಪ್ಪುನ ಬೌರ್ಡರ್ ಗವಸ್ಕರ್ ಟೆಸ್ಟ್ ಸೀರಿಸ್‌ದ ಮೂಜನೇ ಪಂತೊ ಡ್ರಾ ಆಯಿನೇ ಭಾರತೊದ ಲೆಜೆಂಡ್ ಕ್ರಿಕೆಟರ್ ರವಿಚಂದ್ರನ್ ಅಶ್ವಿನ್, ಅರೆನ ಗೊಬ್ಬುಗು ಮುಗಿತಲೊದ ಚುಕ್ಕಿ ದೀಯೆರ್. ಪಂತೊ ನಡತೊಂದಿಪ್ಪುನಗ ಡ್ರೆಸ್ಸಿಂಗ್ ರೂಮ್‌ಡ್ ವಿರಾಟ್ ಕೊಹ್ಲಿನ್ ಅರಾದ್ ಪತ್‌ದ್ ನಡತ್‌ಬತ್ತಿನ ಸಾದಿದ ಬಗ್ಗೆ ನೆನೆತೊಂದು ಕಣನೀರ್ ಪಾಡಿಯೆರ್.
ರವಿಚಂದ್ರನ್ ಅಶ್ವಿನ್, ಇತ್ತೆ ವಿಶ್ವ ಕ್ರಿಕೆಟ್ ರಾಂಕಿಂಗ್‌ಡ್ ಆಲ್ ರೌಂಡರ್‌ಲೆನ ಸಾಲ್‌ಡ್ ಮೂಜನೇ ನೆಲವುಡುಲ್ಲೆರ್. ಮೇರ್ 765 ಅಂತರಾಷ್ಟ್ರೀಯ ವಿಕೆಟ್, ಆಜಿ ಸೆಂಚುರಿ ಆತೆ ಅತ್ತಾಂದೆ 12 ಸಲ ಸೀರಿಸ್ ಗೆಂದಾದಿನ ಬಿರ್ಸೆ ಪಂದ್ ಇನಾಮು ಗೆಂದ್‌ದೆರ್. ICC cricketer of the year, ಭಾರತ ಸರಕಾರೊದ ಅರ್ಜುನ ಪ್ರಶಸ್ತಿ ಮೆರೆಗ್ ತಿಕ್‌ದ್ಂಡ್. 2013ನೇ ಸಾಲ್‌ಡ್ ನಡತಿನ ಚಾಂಪಿಯನ್ಸ್ ಟ್ರೋಫಿದ ಗೆಲ್ಮೆಡ್ ಮೆರೆನ ಪಾಲ್ ಮದಪರೆಗಿಜ್ಜಿ. ಎನ್ನ ಉಲಯಿ ನನಲ ಒಂತೆ ಕ್ರಿಕೆಟ್ ಉಂಡು ಯಾನ್ ಡೋಮ್ಸ್ಟಿಕ್ ಕ್ರಿಕೆಟ್ ಗೊಬ್ಬೊಂದಿಪ್ಪುವೆ ಪಂದ್ ಪಂಡೆರ್.