Last updated on December 11th, 2024 at 10:19 am
ಮುರ್ಡೇಶ್ವರ: ಶಾಲೆದ ಪ್ರವಾಸೊಗು ಬತ್ತಿತ್ತಿನ ನಾಲ್ವೆರ್ ವಿಧ್ಯಾರ್ಥಿನಿಯೆರ್ ಕಡಲಪಾಲಾತಿನ ನಡಕೆ ನಾರ್ತ್ ಕೆನರಾ ಜಿಲ್ಲೆದ ಭಟ್ಕಳ ತಾಲೂಕ್‌ದ ಮುರ್ಡೇಶ್ವರಡ್ ನಡತ್‌ದ್ಂಡ್.
ಕೋಲಾರದ ಮುಳಬಾಗಿಲ್‌ರ್ದ್ ಕೊತ್ತೂರು ಮೂರಾರ್ಜಿ ದೇಸಾಯಿ ವಸತಿ ಶಾಲೆದ 40ರ್ದ್‌ಲಾ ಎಚ್ಚ ವಿದ್ಯಾರ್ಥಿಲೆಡ್ ನಾಲ್ವೆರ್ ವಿದ್ಯಾರ್ಥಿನಿಯೆರ್ ಕಡಲ್‌ಡ್ ಬೊಲ್ಲಗ್ ಪೋತೆರ್. ಉಂದೆಟ್ ಒರ್ತಿ ವಿದ್ಯಾರ್ಥಿನಿ ಶ್ರಾವಂತಿನ ಪುನ ತಿಕ್ಕ್‌ದಿತ್ತ್‌ದ್, ಒರಿನ ಮೂವೆರ್ ಪೊಣ್ಣುಲೆಗಾದ್ ನಾಡುನ ಬೇಲೆ ನಡತೊಂದುಂಡು.
ಮುರುಡೇಶ್ವರ ಬೀಚ್‌ಡ್ ಕೋಡೆ ಬಯ್ಯಡ್ ಗೊಬ್ಬೊಂದುಪ್ಪುನಗ ಒರರ್ದ್ ಒರಾನೆ ಏಳ್ ಜನ ವಿದ್ಯಾರ್ಥಿನಿಯೆರ್ ಸಿರೆತ ಬರಸ್‌ಗ್ ನೀರ್‌ಗ್ ಒಯ್ತ್ ಪೋದಿತ್ತೆರ್. ಈ ಪೊರ್ತುಡು ಮೂಜಿ ಜನ ವಿದ್ಯಾರ್ಥಿನಿಯರಾಯಿನ ಯಶೋಧ, ವೀಕ್ಷಣಾ, ಲಿಪಿಕಾ ಮೊಕ್ಲೆನ್ ನೀರ್‌ರ್ದ್ ಮಿತ್ತ್ ಕನತ್‌ದ್ ಆಸ್ಪತ್ರೆಗ್ ದಾಕಲ್ತ್‌ದೆರ್. ಒರಿನ ದೀಕ್ಷ, ಲಾವಣ್ಯ, ವಂದನ ಕಾಣೆಯಾದಿತ್ತ್‌ದ್, ಅಕಲೆನ್ ನಾಡುನ ಬೇಲೆ ಜೋರುಡು ನಡತೊಂದುಂಡು.