Last updated on December 10th, 2024 at 08:51 pm
ಒಡಿಪು ಡಿಸೆಂಬರ್ 10: ಪಾಕ ವರ್ಸೊದ ಪರತಿರಿ ಇಪ್ಪುನ ಚೇರ್ಕಾಡಿ ಕಂಬುಲೊಗು ಒವ್ವೇ ತಲೆಪು-ಕುಂದೆಲ್ ಬರಂದಿಲೆಕ ಕಂಬುಲೊದ ಮಾತಾ ಕಟ್ಟ್‌ಕಟ್ಲೆರೆನ್ ಮುಗಿತ್‌ದ್ ಗುತ್ತುದಿಲ್ಲದ ಪೆರಿಯಾರ್ ಜಯರಾಮ ಹೆಗ್ಡೆರ್ ದೇವೆರೆ ಅಂಗಾರ್ ಸೇರ್ದೆರ್.
ಸುಮಾರು 600 ವರ್ಸದ ಪರತಿರಿ ಇಪ್ಪುನ ಈ ಕಂಬುಲ ಪಟ್ಟದ ಹೆಗ್ಡೆರಾಯಿನ ಜಯರಾಮ ಹೆಗ್ಡೆ ಮೆರೆನ ಮುತಾಲಿಕೆಡ್ ಪಡತ್‌ದ್ಂಡೊ. ಉಂದು ಅನಾದಿಕಾಲೊರ್ದು ಜೈನ ಮನೆತನದ ಕಂಬುಲ. ಸುಮಾರ್ 10 ಎಕ್ರೆದಾತ್ ಮಲ್ಲ ಕಂಬುಲ ಕಂಡ ಅಂಚೆನೇ ಬಾಕ್ಯಾರ್ ಉಂಡು.
ಚೇರ್ಕಾಡಿಡ್ ಕರಿನ ರಡ್ಡ್ ದಿನ ಸಾಂಪ್ರದಾಯಿಕ ಕಂಬುಲ ಪ್ರತಿ ವರ್ಸೊದ ಲೆಕ ನಡತ್ಂಡ್. ಕಂಬುಲ ನಡಪುನಗ ಗುತ್ತುದಿಲ್ಲದ ಪೆರಿಯೆ ಮುಖ್ಯಸ್ಥೆ ಆದ್ ಮಾತಾ ಆಪುಪೋಪುಲೆನ್ ತೂವೊನುನವು ಕ್ರಮ. ತನ್ನ 90 ವರ್ಸ ಕರಿನ ಪ್ರಾಯೊಡ್ಲಾ ಗುತ್ತುದಿಲ್ಲದ ಮಾತಾ ಬೇಲೆಲೆನ್ ಎಡ್ಡೆಡ್ ಮಲ್ತ್‌ದ್ ಚೇರ್ಕಾಡಿ ಜಯರಾಮ ಹೆಗ್ಡೆರ್ ತೀರ್ದೆರ್.
ಓಲ್ಲಾ ಕಂಬುಲ ನಡಪುನ ಪೊರ್ತುಡು ಇಂಚ ಆತುಂಡ ಕಂಬುಲೊನು ಉಂತಾವೊಡಾಂಡ್, ಆಂಡ ಕಂಬುಲೊಗು ಒವ್ಲಾ ತಲೆಪು ಬರಂದಿಲೆಕ ಹೆಗ್ಡೆರ್ ತನ್ನ ಪಯಣೊನು ಉಂತಾದೆರ್.