Last updated on December 4th, 2024 at 10:40 am
ಕುಕ್ಕೆ ಸುಬ್ರಹ್ಮಣ್ಯೊದ ಪಾಕ ಅಂಗಡಿಲೆಗ್ ಅಧಿಕಾರಿಲು ದಾಳಿ ಮಲ್ತ್‌ದ್ ಮಲ್ಲ ಪ್ರಮಾಣೊಡು ಪುಗೆರೆದ ಸೊತ್ತುಲು ಸೇರ್ದ್ ಬ್ಯಾನ್ ಆತಿನ ಪ್ಲಾಸ್ಟಿಕ್‌ಲೆನ್ ವಶೊಕು ಗೆತೊಂದಿನ ನಡಕೆ ಡಿ.3 ತಾನಿ ನಡತ್‌ದ್ಂಡ್.
ಅಂಗಡಿಲೆರ್ದ್ ಬೇತೆ ಬೇತೆ ಕಂಪೆನಿಲೆನ ಗುಟ್ಕಾ, ಸಿಗರೇಟ್, ಬೇತೆ ಪುಗೆರೆದ ಸೊತ್ತುಲು ಸೇರ್ದ್ ಪ್ಲಾಸ್ಟಿಕ್‌ಲೆನ್ ವಶೊಕು ಗೆತೊಂದೆರ್.
ಕುಕ್ಕೆ ದೇಲಂತಡೆದ ಸುತ್ತ ಮುತ್ತ ಒಲ್ಪಲಾ ತಂಬಾಕ್‌ದ ಸೊತ್ತುಲೆನ್ ಮಾರಂದಿಲೆಕ ಸೂಚನೆ ಕೊರ್ದಿತ್ತ್‌ದ್, ಓಲ್ಲಾ ಮಾರುನ ಇಸಯ ತೆರಿಂಡ ಬೋಡಾಪಿನ ಕ್ರಮ ಗೆತೊನುವ ಪನ್ದ್ ಅಧಿಕಾರಿಲು ಅಂಗಡಿದಕುಲೆಗ್ ಸೂಚನೆ ಕೊರ್ತೆರ್.
ಕಾರ್ಯಾಚರಣೆಡ್ ತಾಲೂಕ್ ಆರೋಗ್ಯ ಅಧಿಕಾರಿ ನಂದಕುಮಾರ್, ವೈದ್ಯಾಧಿಕಾರಿ ತ್ರಿಮೂರ್ತಿ , ಗ್ರಾಮ ಪಂಚಾಯತ್‌ ಪಿ.ಡಿ.ಒ. ಮಹೇಶ್, ಕಾರ್ಯಂತೆ ಮೋನಪ್ಪೆರ್, ಗ್ರಾಮ ಪಂಚಾಯತ್‌ ಅಧ್ಯಕ್ಷೆದಿ ಸುಜಾತ, ದುಂಬುದ ಅಧ್ಯಕ್ಷೆದಿ ಲಲಿತಾ ಗುಂಡಡ್ಕ, ಪದುಕೆದಿ ಭಾರತಿ ಒಟ್ಟುಗಿತ್ತೆರ್.