Last updated on December 30th, 2024 at 12:37 pm
ರೈಲ್ವೇ ಪ್ರಯಾಣಿಕೆ ಒರಿ ರೈಲ್‌ರ್ದ್ ಜಪ್ಪುನ ಪೊರ್ತು ಲಗೇಜ್ ಮದತ್ ಜತ್ತಿತ್ತ್, ಇತ್ತೆ ಆ ಬ್ಯಾಗ್‌ನ್ ಪೊರ್ತು ಕರಿಪಂದೆ ಪಿರ ಆ ಜನಕ್ ಎತ್ತಾವುನ ಬೇಲೆನ್ ಒಡಿಪು ರೈಲ್ವೇ ಉಂತಡೆದ ರೈಲ್ವೇ ರಕ್ಷಣಾತಂಡ(ಆರ್‌ಪಿಎಫ್) ಅಧಿಕಾರಿಲು ಮಲ್ದೆರ್.
ಸನತ್‌ ದೇವಾಡಿಗ ಮೇರ್ ಮತ್ಸ್ಯಗಂಧ ಎಕ್ಸ್‌ಪ್ರೆಸ್‌ ರೈಲ್ ಡ್ ಪೋವೊಂದಿತ್ತಿನ ಪೊರ್ತು ಬೈಂದೂರು ರೈಲ್ವೇ ಉಂತಡೆಡ್ ಡಿಬೋರ್ಡಿಂಗ್‌ ಮಲ್ಪುನಗ ಬ್ಯಾಗ್ ನ್ ರೈಲ್ವೇ ಕೋಚ್‌ಡ್ ಮದತ್ ಜತ್ತಿತ್ತೆರ್. ವಿಷಯ ತೆರಿನೇ ತಾಪುರ್ತೋಪ್ ಅಕುಲು ರೈಲ್ವೇ ಕಂಟ್ರೋಲ್‌ ನಂಬರ್‌ 139 ಉಂದೆನ್ ಸಂಪರ್ಕ ಮಲ್ತ್ ಒಲವು ಪಟ್ಟೊಂದೆರ್.
ಬ್ಯಾಗ್ ಡ್ ರಡ್ಡ್ ಲ್ಯಾಪ್ಟಾಪ್, ಬಂಗಾರ್ ಸೇರ್ದ್ ಸುಮಾರ್ 4 ಲಕ್ಷದ ಸೊತ್ತುಲು ಇತ್ತ್ಂಡ್. ರೈಲ್ ಒಡಿಪು ಸ್ಟೇಷನ್ ಗ್ ಬನ್ನಗ ಅಧಿಕಾರಿಲು ನಾಡ್ ಪತ್ತುದ್ ಬೊಕ್ಕ ಸನತೆರೆಗ್ ಒಲವು ಕೊರ್ತೆರ್. ಒಡಿಪು ರೈಲ್ವೇ ಉಂತಡೆದ್ ಬತ್ತಿನ ಸನತೆರ್ ಬ್ಯಾಗ್ ದ ಗುರ್ತ ಪನ್ದ್ ಬ್ಯಾಗ್ ಪಡೆಯೊಂಡೆರ್.