Last updated on December 12th, 2024 at 04:42 pm
ಗುಜರಾತ್ ಡಿಸೆಂಬರ್ 12: ಅತ್ಯಾಚಾರ ಆರೋಪದ ಪ್ರಕರಣೊಲೆನ್ ಬೇಗ ಬೇಗ ವಿಚಾರಣೆ ಮಲ್ಪೊಡು ಅಂಚೆನೇ ತಪ್ಪು ಮಲ್ತಿನಕ್ಲೆಗ್ ಉಗ್ರ ಶಿಕ್ಷೆ ಆವೊಡು ಪನ್ದ್ ಒತ್ತಾಯ ಮಲ್ತ್‌ದ್ ರಾಷ್ಟ್ರಪತಿ ಬೊಕ್ಕ ಪ್ರಧಾನಮಂತ್ರಿನ್ ಭೇಟಿಯಾದ್ ಬಿನ್ನಪುದೋಲೆ ಕೊರ್ಯೆರ ಕುಡ್ಲರ್ದ್ ದೆಲ್ಲಿಗ್ ಪಾದಯಾತ್ರೆ ಪೋವೊಂದಿತ್ತಿನ ಕೂಟ ಬಚ್ಚೆಲ್ ಕಲೆವೊಂದಿತ್ತಿನ ಪೊರ್ತುಡು ಟ್ರಕ್ ಒಂಜಿ ಎಡ್ತ್‌ದ್ ಇರ್ವೆರ್ ತೀರ್ದಿನ ನಡಕೆ ಗುಜರಾತ್ ಮನ ಭರೂಚ್ ರಾಷ್ಟ್ರೀಯ ಪೆರ್ಸಾದಿಡ್ ನಡತ್‌ದ್ಂಡ್.
ತೀರ್ದಿನಕುಲೆನ್ ಕರ್ನಾಟಕ ರಾಷ್ಟ್ರ ಸಮಿತಿ ಪಕ್ಷೊದ ರಾಜ್ಯ ಕಾರ್ಯಾಧ್ಯಕ್ಷೆ ಎಸ್.ಹೆಚ್. ಲಿಂಗೇಗೌಡ ಬೊಕ್ಕ ದಕ್ಷಿಣ ಕನ್ನಡ ಜಿಲ್ಲೆದ ಚಾರ್ಮಾಡಿದ ಮೂಸಾ ಶರೀಫ್ ಪನ್ದ್ ಗುರ್ತಪತ್ತ್‌ದೆರ್. ಅತ್ಯಾಚಾರಿಲೆಗ್ ಅಪಗನೇ ಶಿಕ್ಷೆ ಆವೊಡು ಪನ್ದ್ ಆಗ್ರಹಿತ್‌ದ್ ಕುಡ್ಲರ್ದ್ ದೆಲ್ಲಿಗ್ ಪಾದಯಾತ್ರೆ ಮಲ್ತೊಂದಿತ್ತಿನ ಐವೆರ್ ಬಚ್ಚೆಲ್ ಕಲೆವೊಂದಿತ್ತಿನ ಪೊರ್ತುಡು ಅಕ್ಲೆನ ಓಮ್ನಿ ಕಾರ್‌ಗ್ ಟ್ರಕ್ ಎಡ್ತ್‌ದ್ ಈ ನಡಕೆ ನಡತ್‌ದ್ಂಡ್. ಐನ್ ಜನೊತ ಕೂಟ ಪಾದಯಾತ್ರೆ ಮಲ್ತೊಂದಿತ್ತ್‌ದ್, ಬುದಾರ 55ನೇ ದಿನೊತ ಪಾದಯಾತ್ರೆ ಗುಜರಾತ್‌ದ ಭರೂಚ್ ಪನ್ಪಿನ ಜಾಗೆಗ್ ಎತ್ತ್‌ದಿತ್ತ್ಂಡ್.
ಈ ಪೊರ್ತುಡು ಪೆರ್ಸಾದಿದ ಬರಿಟ್ ಉಂತುದು ಬಚ್ಚೆಲ್ ಕಲೆವೊಂದಿಪ್ಪುನಗ ಟ್ರಕ್ ಒಂಜಿ ಮೊಕುಲು ಕುಲ್ದಿತ್ತಿನ ಓಮ್ನಿ ಕಾರ್‌ಗ್ ಎಡ್ತ್‌ದ್ಂಡ್. ಎಡ್ತೆಡ್ ಇರ್ವೆರ್ ತೀರ್ದಿತ್ತ್‌ದ್, ಒರಿನಕ್ಲೆಗ್ ಗಾತಿದ ಗಡಿಕುಲಾತ.
