ಕುಡ್ಲದ ಸೈಂಟ್ ಅಲೋಶಿಯಸ್ ಕಾಲೇಜ್‌ಡ್ ತುಳುಕೊಂಜಿ ಮಲ್ಲ ಬೆರಿತಾಂಗ್, ನನ ಡಿಗ್ರಿದಕಲೆಗ್ ತುಳುನು ಒಂಜಿ ಬಾಸೆಯಾದ್ ಕಲ್ಪುನ ಅವಕಾಶೊ

Last updated on December 5th, 2024 at 11:22 am

145 ವರ್ಸ ಪಿರಾಕ್‌ದ ತುಳುನಾಡ್‌ದ ಪೆರ್ಮೆದ ಕಾಲೇಜ್ ಆಯಿನ ಸೈಂಟ್ ಅಲೋಶಿಯಸ್ ಕಾಲೇಜ್‌ಡ್ ನನ ಡಿಗ್ರಿದಕಲೆಗ್ ಒಂಜಿ ಭಾಷೆಯಾದ್ ತುಳುನು ಕಲ್ಪುನ ಅವಕಾಶ ಕೊರೊಂದುಲ್ಲೆರ್. ಅಲೋಶಿಯಸ್ ಕಾಲೇಜ್ ಡೀಮ್ಡ್ ವಿಶ್ವವಿದ್ಯಾಲಯ ಆಪಿನ ಈ ಪೊರ್ತುಡು ತುಳುನಾಡ್‌ಡ್ ಇತ್ತಿನ ಪುಗಾರ್ತೆದ ಕಾಲೇಜ್ ಆದ್ ತುಳುಕೊಂಜಿ ಸೇವೆ ಮಲ್ಪರೆ ಪಿದಡ್ದಿನವು ಬಾರೀ ಕುಸಿತ ವಿಷಯ. ರಾಜ್ಯ ಸರಕಾರ ಮಲ್ಪಂದಿನ ವಿಷಯೊನು ಪ್ರೈವೇಟ್ ಯುನಿವರ್ಸಿಟಿಲು ಮಲ್ತೊಂದಿಪ್ಪುನವು ಕರ್ನಾಟಕದ ತಿದ್ಯಪ್ಪೆ ಎಚ್ಚಿಕಮ್ಮಿನ್ ದೆರ್ತ್ ತೂಪಾವುಂಡು.

ಬರ್ಪಿ ಅಕಾಡೆಮಿಕ್ ವರ್ಸೊರ್ದು ಏರ್ ಪೂರಾ ಡಿಗ್ರಿಗ್ ಒವ್ ಕೋರ್ಸ್ ಬೋಡಾಂಡಲಾ ಕಲ್ಪುನಕಲೆಗ್ ಆಪ್ಶನಲ್ ಬಾಸೆ ಆದ್ ತುಳುನು ದೆತೊನುನ ಅವಕಾಶ ಉಂಡು. ನಿಕುಲು ಒವ್ವೇ ಡಿಗ್ರಿ ಕೋರ್ಸು ದೆತೊಂಡಲಾ ತುಳುನು ಒಂಜಿ ಬಾಸೆ ಆದ್ ದೆತೊನ್ದು ತುಳುನಾಡ್ದ ಪರಪೋಕು, ಪರತಿರಿ, ಆಚರಣೆಲೆನ ಬಗೆಟ್ ತೆರಿಯೊನೊಲಿ. ತುಳುವೆರ್ ಅಂಚೆನೆ ತುಳುತ ಬಗೆಟ್ ಮೋಕೆ ಉಪ್ಪುನ ಮಾತೆರ್ ಉಂದೆನ್ ಗಲಸ್ ಡ್ ತುಳುತ ಬುಲೆಚ್ಚಿಲ್ ಗ್ ಬೆರಿತಾಂಗ್ ಆವೊಡು ಪನ್ದ್ ಬಿನ್ನಪು.