Last updated on December 17th, 2024 at 07:50 pm
ಸುಳ್ಯ: “ಯನ್ನ ಜೋಕ್ಲೆನ್ ಶೋಕುಡೆ ತೂವೊನ್ಲ ಅಣ್ಣ” ಪನ್ದ್ ವಾಟ್ಸ್ಆ್ಯಪ್ ಸ್ಟೇಟಸ್ ಪಾಡ್ದ್ ಜವನೆ ಒರಿ ಆತ್ಮಹತ್ಯೆ ಮಲ್ತೊಂದಿನ ನಡಕೆ ಸುಳ್ಯದ ಮಂಡೆಕೋಲು ಶಿವಾಜಿನಗರಡ್ ನಡಣ್‌ದ್ಂಡ್.
ಸುಳ್ಯದ ಮಂಡೆಕೋಲು ಶಿವಾಜಿನಗರ ನಿವಾಸಿ ಪುರುಷೋತ್ತಮ್ (30) ಆತ್ಯಹತ್ಯೆ ಮಲ್ತೊಂದಿನಾರ್.
ಪುರುಷೋತ್ತಮ್ ತನ್ನ ಇಲ್ಲದ ಬರಿತ ಗುಡ್ಡೆಡ್ ಮರಕ್ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊಂದೆರ್. ಆತ್ಮಹತ್ಯೆಗ್ ಮಲ್ತೊನೆರ ದುಂಬು ವಾಟ್ಸ್ಆ್ಯಪ್ ಸ್ಟೇಟಸ್ ಪಾಡ್ದಿನ ಪುರುಷೋತ್ತಮ್ ತನ್ನ ಫೋಟೊ ಪಾಡ್ದ್ ‘ಓಂ ಶಾಂತಿ’ ಪನ್ದ್ ಬರೆದಿತ್ತೆರ್. ಒಟ್ಟುಗು “ಯನ್ನ ಜೋಕ್ಲೆನ್ ಶೋಕುಡೆ ತೂವೊನ್ಲ ಅಣ್ಣ” ಪನ್ದ್ ಸ್ಟೇಟಸ್‌ಡ್ ಬರೆಯೊಂದೆರ್.
ಪುರುಷೋತ್ತಮ್ ಬೊಡೆದಿ ಬೊಕ್ಕ ಇರ್ವೆರ್ ಜೋಕುಲೆನ್ ಅಗತ್‌ದೆರ್. ಕೂಲಿ ಬೇಲೆ ಮಲ್ತೊಂದಿತ್ತಿನ ಪುರುಷೋತ್ತಮ್ ಮೆರೆನ ಆತ್ಮಹತ್ಯೆಗ್ ಪತ್ತ ನೆವನ ತೆರಿದ್ ಬೈದಿಜಿ.