Last updated on January 29th, 2025 at 12:30 pm
ಕಾರವಾರ ಜನವರಿ 29: ಜನೊಕುಲು ಎಚ್ಚಾದ್ ಇಜ್ಜಂದಿನ ಜಾಗೆಡ್ ಉಂತಾದಿತ್ತಿನ ಕಾರ್‌ಡ್ 1.15 ಕೋಟಿ ಕಾಸ್ ತಿಕ್ಕಿನ ನಡಕೆ ಅಂಕೋಲದ ರಾಮನಗುರಿ ದಲ್ತ ರಾಷ್ಟ್ರೀಯ ಪೆರ್ಸಾದಿ 66 ಟ್ ತಿಕ್ಕ್‌ದ್ಂಡ್.
ಕೋಡೆ, ಅಂಗಾರೆ ಬಯ್ಯಡ್ ನಿರ್ಜನ ಜಾಗೆಡ್ ಕಾರ್‌ನ್ ಪಾರ್ಕ್ ಮಲ್ತಿತ್ತೆರ್. ಈ ಬಗೆಟ್ ಅಂಕೋಲಾ ಪೊಲೀಸೆರೆಗ್ ಸಾರ್ವಜನಿಕೆರ್ ಒಲವು ಕೊರ್ತೆರ್. ಜಾಗೆಗ್ ಪೊಲೀಸೆರ್ ಬತ್ತ್‌ದ್ ಪರಿಶೀಲನೆ ಮನ್ಪುನಗ ಕಾರ್‌ಡ್ ಕರ್ಬದ ಬಾಕ್ಸ್‌ದ ಲಾಕರ್ ತಿಕ್ಕ್‌ದ್ಂಡ್. ಅವೆನ್ ದೆತ್ತ್‌ದ್ ತೂನಗ ಅವೆಟ್ 1.15 ಕೋಟಿ ಕಾಸ್ ಇಪ್ಪುನ ತೋಜಿದ್ ಬೈದ್ಂಡ್.
KA 51 MB 9634 ನಂಬರ್ ಪ್ಲೇಟ್‌ದ ಈ ಕಾರ್‌ದ ರಿಜಿಸ್ಟ್ರೇಷನ್ ನಂಬರ್‌ನ್ ಪರಿಶೀಲಿಸಿಪುನಗ ಆಲ್ಟ್ರೋಜ್ ಕಾರ್ ಪನ್ದ್ ತೋಜಾವೊಂದಿತ್ತ್‌ದ್, ಮಡಿಕೇರಿ ಆರ್‌ಟಿಓ ಪಾಸಿಂಗ್ ಉಂಡು. ಉಂದು ಕ್ರೇಟಾ ಕಾರ್ ಆದಿತ್ತ್‌ದ್, ಈ ಕಾರ್‌ದ ಬಾನೆಟ್, ಡಿಕ್ಕಿ ಆಪನ್ ಮಲ್ದಿನ ಸ್ಥಿತಿಟ್ ಇತ್ತ್‌ದ್, ಕಾರ್‌ದ ಸೀಟ್ ಒಯ್ತ್‌ದ್ ಪಿದಯಿ ಬೂರ್ದಿನ ಸ್ಥಿತಿಟ್ ಅಂಚೆನೇ ಕಂಡಿದ ಗ್ಲಾಸ್‌ಲ್ ಪುಡತಿನ ಸ್ಥಿತಿಟ್ ಇತ್ತ್ಂಡ್.