Last updated on January 25th, 2025 at 08:28 pm
ರಾಮಕುಂಜ: ದೇವಾಲಯ ಸಂವರ್ಧನಾ ಸಮಿತಿ ಕಡಬ ತಾಲೂಕ್, ಶ್ರೀ ರಾಮಕುಂಜೇಶ್ವರ ದೇಲಂತಡೆ ರಾಮಕುಂಜ, ಶ್ರೀ ವಿಷ್ಣುಮೂರ್ತಿ ಭಜನಾ ಮಂದಿರ ಪರನೇರೆಂಕಿ, ಶ್ರೀ ದೇವಿ ಭಜನಾ ಮಂದಿರ ವರ್ನಡ್ಕ, ಶ್ರೀ ಶಾರದಾಂಬಾ ಭಜನಾ ಮಂದಿರ ಶಾರದಾನಗರ, ಶ್ರೀ ನಾಗಬ್ರಹ್ಮ ಭಜನಾ ಮಂಡಳಿ ಕುಂಡಾಜೆ ಮೊಕಲೆನ ಒಟ್ಟು ಸೇರಿಗೆಡ್ ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಭಜನಾ ಪರಿಷತ್ ಕಡಬ ತಾಲೂಕ್ ಉಂದೆತ ಸಾಕಾರೊಡು ‘ಕುಣಿತ ಭಜನೋತ್ಸವ’ ಎಲ್ಲೆ ಜನವರಿ 26ತ ಐತಾರದಾನಿ ಬಯ್ಯಡ್ ಶ್ರೀ ರಾಮಕುಂಜೇಶ್ವರ ವಿದ್ಯಾಲಯ(CBSE) ಡ್ ನಡಪೆರೆಗುಂಡು.
ಬಯ್ಯ 3 ಗಂಟೆಗ್ ಒಟ್ಟು ಸೇರ್ದ್ ಉಪಾಹಾರ ಆದ್ ಬಯ್ಯ 5 ಗಂಟೆಗ್ ನಲಿಕೆ ಭಜನೆ ಸುರು ಆಯೆರ ಇತ್ತ್‌ದ್ ಒಂಜೇ ಪೊರ್ತುಡು 100 ಮಂಡಲೊಲೆಡ್ ನಲಿಕೆ ಭಜನೆ ನಡಪೆರೆಗುಂಡು.
ಬಯ್ಯ 6:30ಗ್ ಕೂಟೊಲೆಗ್ ಮಾನಾದಿಗೆ ಅಂಚೆನೇ ಸಭಾ ಕಾರ್ಯಕ್ರಮ ನಡಪರೆಗಿತ್ತ್‌ದ್ ದೇವಾಲಯ ಸಂವರ್ಧನಾ ಸಮಿತಿದ ರಾಜ್ಯ ಸಂಯೋಜಕೆರಾಯಿನ ಮನೋಹರ ಮಠದ್, ಸಾಮರಸ್ಯ ವೇದಿಕೆದ ಜಿಲ್ಲಾ ಸಹ ಸಂಯೋಜಕೆರಾಯಿನ ರಾಜ್ಯ ಪ್ರಶಸ್ತಿ ಪುರಸ್ಕೃತ ದೈವ ನರ್ತಕೆರ್ ರವೀಶ್ ಪಡುಮಲೆ ಬಿನ್ನೆರಾದ್ ಪಾಲ್‌ಪಡೆಪೆರ್. ರೋತ್ರೆ 8:30ಕ್ಕ್ ವನಸ್ ಇಪ್ಪುಂಡು.
ಭಜನಾ ಕೂಟೊಲು ಪುದರ್ ಕೊರಂದೆ ಇತ್ತ್ಂಡ, ಸೀದಾ ಈಡೆಗೆ ಬತ್ತ್‌ದ್ ಪುದರ್ ಕೊರ್ದು ರಿಜಿಸ್ಟರ್ ಮಲ್ತೊನೊಲಿ ಪನ್ದ್ ದೇವಾಲಯ ಸಂವರ್ಧನಾ ಸಮಿತಿದ ವಿಭಾಗ ಪ್ರಮುಖ್ ಮುಳಿಯ ಕೇಶವ ಪ್ರಸಾದ್, ಜಿಲ್ಲಾ ಸಂಯೋಜಕೆ ಯದುಶ್ರೀ ಆನೆಗುಂಡಿ, ರಾಮಕುಂಜ ಗ್ರಾಮ ಸಂಯೋಜಕೆ ಯೋಗೀಶ್ ಕುಲಾಲ್ ಅಜ್ಜಿಕುಮೇರ್, ಭಜನೋತ್ಸವದ ವ್ಯವಸ್ಥಾ ಪ್ರಮುಖ್ ಪ್ರಶಾಂತ್ ಆರ್. ಕೆ., ಶರತ್ ಭಂಡಾರಿ ಪ್ರಕಟಣೆಡ್ ತೆರಿಪಾದೆರ್.