Last updated on January 24th, 2025 at 07:55 am
ಕುಡ್ಲ: ಬಿಜೈ ಡ್ ನಡತಿನ ಕಲರ್ಸ್ ಮಸಾಜ್ ಪಾರ್ಲರ್‌ದ ಮಿತ್ತ್ ನಡತಿನ ದಾಳಿಗ್ ಸಂಬಂಧಿತ್‌ದ್ ರಾಮ ಸೇನೆ ಸಂಸ್ಥಾಪಕೆ ಪ್ರಸಾದ್ ಅತ್ತಾವರ ಸೇರ್ದ್ 14 ಜನನ್ ಪೊಲೀಸೆರ್ ಅರೆಸ್ಟ್ ಮಲ್ತ್‌ದೆರ್.
ರಾಮ ಸೇನೆದ ಮುಖಂಡೆ ಪ್ರಸಾದ್ ಅತ್ತಾವರ ಮೆರೆನ್ ಕುಡುಪುದ ಇಲ್ಲರ್ದೇ ಕೈದ್ ಮಲ್ದೆರ್. ಉಂದೆತ ಬೆರಿಟೇ ಕಾರ್ಯಕರ್ತೆರಾಯಿನ ಹರ್ಷರಾಜ್, ಮೋಹನ್‌ದಾಸ್, ಪುರಂದರೆ, ಸಚಿನ್, ರವೀಶ್, ಸುಕೇತ್, ಅಂಕಿತ್, ಕಾಳಿ ಮುತ್ತು, ಅಭಿಲಾಷ್, ದೀಪಕ್, ವಿಘ್ನೇಶ್, ಶರಣ್ ರಾಜ್, ಪ್ರದೀಪ್ ಪೂಜಾರಿ ಪನ್ಪಿನಕ್ಲೆನ್ ಕೈದ್ ಮಲ್ದೆರ್. ವೇಶ್ಯಾವಾಟಿಕೆ ದಂಧೆ ನಡತೊಂದುಂಡು ಪನ್ದ್ ಆರೋಪಿತ್‌ದ್ ಕೋಡೆ ಮಧ್ಯಾಹ್ನ ಬಿಜೈ ಕೆಎಸ್‌ಆರ್‌ಟಿಸಿ ಬಸ್ ಉಂತಡೆದ ಕೈತಲ್ದ ಕಲರ್ಸ್ ಯೂನಿಸೆಕ್ಸ್ ಸೆಲೂನ್‌ದ ಮಿತ್ತ್ ರಾಮ ಸೇನೆ ಸಂಸ್ಥಾಪಕೆ ಪ್ರಸಾದ್ ಅತ್ತಾವರ ಮುತಾಲಿಕೆಡ್ ಕಾರ್ಯಕರ್ತೆರ್ ದಾಳಿ ಮಲ್ತಿತ್ತೆರ್.