Last updated on January 2nd, 2025 at 04:32 pm
ಮಾಣಿ: ಪೆರ್ಸಾದಿಡೆ ಪೋವೊಂದಿತ್ತಿನ KSRTC ಬಸ್ ಒಂಜೆತ ಡೀಸೆಲ್ ಟ್ಯಾಂಕ್ ಕದೆಲ್ದ್ ಸಾದಿಗ್ ಬೂರ್ನ ನಡಕೆ ಮಾಣಿಗ್ ಮುಟ್ಟದ ಮಹಾವೀರ ಪನ್ಪಿನವುಲು ಗುರುವಾರ ನಡತ್‌ದ್ಂಡ್.
ಕುಡ್ಲರ್ದ್ ಅರಸೀಕೆರೆಗ್ ರಾಷ್ಟ್ರೀಯ ಪೆರ್ಸಾದಿಡ್ ಪೋವೊಂದಿತ್ತಿನ ಸರ್ಕಾರಿ ಬಸ್ ಮಾಣಿಗ್ ಮುಟ್ಟದ ಮಹಾವೀರ ಪನ್ಪಿನಡೆ ಎತ್ತ್‌ನಗ ಅವೆತ ಡೀಸೆಲ್ ಟ್ಯಾಂಕ್ ಒರರ್ದ್ ಒರಾನೆ ಕದೆಲ್ದ್ ರೋಡ್‌ಗ್ ಬೂರ್ದ್ಂಡ್.
ಈ ಪೊರ್ತುಡು ಟ್ಯಾಂಕ್‌ರ್ದ್ ಡೀಸೆಲ್ ರೋಡ್‌ಗ್ ಗುಚ್ಚಿದಿತ್ತ್‌ದ್ ಒವ್ವೇ ಪಡಾಯಿ ಆತಿಜಿ. ಬಸ್ಸ್‌ಡಿತ್ತಿನ ಪ್ರಯಾಣಿಕೆರೆಗ್ ಬೇತೆ ಬಸ್‌ದ ವ್ಯವಸ್ಥೆ ಮಲ್ತ್ ಕೊರ್ತೆರ್.
ಪೆರ್ಸಾದಿದ ಬೇಲೆ ನಡತೊಂದಿತ್ತ್‌ದ್, ಅವೆತ ಅವ್ಯವಸ್ಥೆ ಅಂಚೆನೇ ಬಸ್‌ಲೆನ ಗುಣಮಟ್ಟೊದ ಸಮಸ್ಯೆರ್ದಾವರ ಇಂಚ ಆತ್ಂಡ್ ಸಾರ್ವಜನಿಕೆರ್ ದೂರೊಂದುಲ್ಲೆರ್.
