Last updated on January 14th, 2025 at 07:23 am
ಮಾಜಿ ಸಂಸದೆ ನಳಿನ್ ಕುಮಾರ್ ಕಟೀಲ್‌ರೆನ ಮಾರ್ಗದರ್ಶನ ಬೊಕ್ಕ ತೆನ್ಕಾಯಿ ಕುಡ್ಲ ಶಾಸಕೆ ಡಿ.ವೇದವ್ಯಾಸ ಕಾಮತ್ ಮೆರೆನ ಮುತಾಲಿಕೆಡ್ ಕುಡ್ಲ ಸಾಂಸ್ಕೃತಿಕ ಪ್ರತಿಷ್ಠಾನ ಅಂಚೆನೇ ಜಿಲ್ಲಾಡಳಿತೊದ ಸಾಕಾರೊಡು ‘ಮಂಗಳೂರು ಸ್ಟ್ರೀಟ್ ಫುಡ್ ಫಿಯೆಸ್ಟಾ’ ಸೀಸನ್-3 ಉಂದುವೇ ಬರ್ಪಿನ 2025ತ ಜನವರಿ 18 ರ್ದ್ 22ರ ಮುಟ್ಟ 5 ದಿನ ನಡಪರೆಗುಂಡು.
ಈ ಸರ್ತಿದ ಸ್ಟ್ರೀಟ್ ಫುಡ್ ಫಿಯೆಸ್ಟಾ ಗ್ ಇಂಟರ್ನೆಟ್‌ಡ್ ತನ್ನ ಚಾ ಮನ್ಪುನ ವಿಭಿನ್ನ ಸ್ಟೈಲ್‌ಡೇ ಪುಗರ್ತೆ ಪಡೆದ್, ಲಕ್ಷಗಟ್ಲೆ ಫೋಲೋವರ್ಸ್‌ನ್ ಗೆಂದ್‌ದಿನ ‘ಡಾಲಿ ಕೀ ಟಪ್ರಿ ನಾಗ್ಪುರ್’ ಪುದರ್‌ದ ಪೇಜ್‌ಡ್ ಫೇಮಸ್ ಆತಿನ ಡಾಲಿ ಚಾಯ್‌ವಾಲಾ ಬರೊಂದುಲ್ಲೆರ್.
ಈ ಇಸಯೊನು ಕುಡ್ಲದ ಪುಗರ್ತೆದ ಸೋಷಿಯಲ್ ಮೀಡಿಯಾ ಪೇಜ್‌ಲು ಜನೊಕ್ಲೆಡ ಪಟ್ಟೊಂದ. ಈ ಇಸಯೊದ ಇನ್ಸ್ಟಾಗ್ರಾಮ್ ರೀಲ್ಸ್‌ದ ಕಮೆಂಟ್‌ಲೆನ್ ತೂಂಡ ಎಚ್ಚಿನಕುಲು ಕುಡ್ಲದ ಈ ಲೇಸ್‌ಗ್ ಈ ಜನನ್ ಲೆತ್ತಿನೆಕ್ ಆತ್ ಕುಸಿಟ್ ಇಜ್ಜೆರ್ ಪನ್ದ್ ತೋಜುಂಡು.