Last updated on January 8th, 2025 at 07:57 am
ಒಡಿಪು: ಗಾಂಧಿ ಬೊಕ್ಕ ಜಿನ್ನಾ ಒಟ್ಟುಗು ಸೇರೊಂದು ಪಾಕಿಸ್ತಾನೊನು ಪುಟ್ಟಾದೆರ್. ಎಂಕುಲು ಮಹಾತ್ಮ ಗಾಂಧಿಯೆರೆನ್ ರಾಷ್ಟ್ರಪಿತ ಪನ್ದ್ ಒತ್ತೊನುಜ ಪನ್ದ್ ಪನ್ದಿತ್ತಿನ ಡೆಹ್ರಾಡೂನ್‌ದ ಚಿಂತಕಿ ಮೀನಾಕ್ಷಿ ಸೆಹರಾವತ್‌ರೆನ ಮಿತ್ತ್ ಒಡಿಪು ಪೊಲೀಸ್ ಸ್ಟೇಶನ್‌ಡ್ ಸ್ವಯಂ ಪ್ರೇರಿತ ಪ್ರಕರಣ ದಾಕಲ್ತೊಂದೆರ್.
ಒಡಿಪುದ ಪೂರ್ಣಪ್ರಜ್ಞಾ ಸಭಾಂಗಣೊಡು ಇಂಚಪ್ಪೊಗು ನಡತಿನ ವಿಶ್ವಾರ್ಪಣಂ ಕಾರ್ಯಕ್ರಮೊಡು ಪ್ರಚೋದನಕಾರಿಯಾದ್ ಭಾಷಣ ಮಲ್ದಿನ ಆರೋಪಡ್ ಡೆಹ್ರಾಡೂನ್‌ದ ಚಿಂತಕಿ ಮೀನಾಕ್ಷಿ ಸೆಹರಾವತ್ ಮಿತ್ತ್ ಒಡಿಪು ಪೊಲೀಸೆರ್ ಸ್ವಯಂಪ್ರೇರಿತ ಪ್ರಕರಣ ದಾಕಲ್ತೊಂದೆರ್.
ಆತೇ ಅತ್ತಂದೆ ಕಾರ್ಯಕ್ರಮೊದ ಆಯೋಜಕೆರಾಯಿನ ಗೋವಿಂದರಾಜು ಪನ್ಪಿನಾರೆನ ಮಿತ್ತ್‌ಲಾ ಪ್ರಕರಣ ದಾಕಲಾತ್ಂಡ್. ದೇಶೊದ ಬೇತೆ ಬೇತೆ ಧರ್ಮೊಲೆನ್ ಕಂಟ್ಯಾವುನ ಅಂಚೆನೇ ಸಮಾಜೊಡು ಅಶಾಂತಿ ಉಂಡು ಮನ್ಪಿಲೆಕ ಮೀನಾಕ್ಷಿ ಮೇರ್ ಪ್ರಚೋದನಕಾರಿಯಾದ್ ಭಾಷಣ ಮಲ್ದೆರ್ ಪನ್ದ್ ಎಫ್‌ಐಆರ್‌ಡ್ ಉಂಡು.