Last updated on January 22nd, 2025 at 07:54 am
ಕುಡ್ಲ: ಕೋಟೆಕಾರ್ ಸಹಕಾರಿ ಬ್ಯಾಂಕ್ ಕಲ್ವೆ ಪ್ರಕರಣೊಡು ಒಟ್ಟು 15 ಕೋಟಿ ಮೌಲ್ಯೊದ ಬಂಗಾರ್‌ನ್ ಕಲ್ವೆರ್ ಕಂಡ್‌ದೆರ್ ಪನ್ದ್ ಬ್ಯಾಂಕ್‌ದ ಅಧ್ಯಕ್ಷೆ ಕೃಷ್ಣ ಶೆಟ್ಟಿ ಒಲವು ಕೊರ್ತೆರ್. ಬಂಗಾರ್‌ದ ಒಟ್ಟುಗು 11 ಲಕ್ಷ 70 ಸಾರ ಕಾಸ್‌ಲಾ ಕಂಡ್‌ದೆರ್. ಈ ಬಗೆಟ್ ಪೊಲೀಸೆರೆಗ್ ಒಲವು ಕೊರ್ತ ಪನ್ದ್ ಪನ್ಡೆರ್.
ಕಲ್ವನ ಕಾರ್‌ಗ್ ಬೆಡಿ ದಕ್ಕಿನ ಜಾಗೆಗ್ ಬತ್ತಿನ ಬ್ಯಾಂಕ್‌ದ ಅಧ್ಯಕ್ಷೆ ಕೃಷ್ಣ ಶೆಟ್ಟಿ ಈ ಪೊರ್ತುಡು ಮಾಧ್ಯಮಲೆನ ಒಟ್ಟುಗು ಪಾತೆರ್ಯೃರ್. ಒಟ್ಟು ಕಂಡ್‌ದ್ ಪೋತಿನ ಬಂಗಾರ್‌ದ ಮೌಲ್ಯ ಒಟ್ಟು 15 ಕೋಟಿ ಪನ್ದ್ ಪನ್ಡೆರ್. ಎಣ್ಮ ಕೋಟಿದ ಬಂಗಾರ್ ಲಾಕರ್‌ಡ್ ಒರಿದ್ಂಡ್. ಈ ಬಗೆಟ್ ಪೊಲೀಸೆರೆಗ್ಲಾ ಒಲವು ಕೊರ್ತ ಪನ್ದ್ ಪನ್ಡೆರ್. ಬೊಕ್ಕ ಎಫ್ಐಆರ್ ಡ್ ದಾಯೆ ಕಮ್ಮಿ ತೋಜಾದರ್ ಪನ್ದ್ ಕೇನ್ಡಿನೆಕ್, ಅವು ಅಂದಾಜಿ ಪಾಡ್ದ್ ಪನ್ತಿನವು, ಎಂಕ್ಲೆಗ್ ಬೊಕ್ಕ ಎಚ್ಚಿಗೆ ಪೋತಿನವು ತೆರಿಂಡ್ ಪನ್ದ್ ಪನ್ಡೆರ್.
ಇನ್ಶೂರೆನ್ಸ್ ಏತ್ ತಿಕ್ಕು ಪನ್ದ್ ಕೇನ್ಡಿನೆಕ್, ಇನ್ಶೂರೆನ್ಸ್ 19 ಕೋಟಿ ಉಂಡು, ಮಹಜರ್ ಮಾತ ಆಯಿಬೊಕ್ಕ ಇನ್ಶೂರೆನ್ಸ್ ಪ್ರಕ್ರಿಯೆ ಆಪುಕಡು. ಒಂಜಿ ವರ್ಸ ಬೋಡಾವು. ಏತ್ ತಿಕ್ಕುಂಡು ಪನ್ದ್ ತೂವೊಡಾತೆ ಪನ್ದ್ ಪನ್ಡೆರ್. ಕಲ್ವೆ ಪ್ರಕರಣ ದಾಕಲಾನಗ 4 ಕೋಟಿ ಬಂಗಾರ್ ಪನ್ದ್ ಪನ್ದಿತ್ತೆರ್, ಇತ್ತೆ 15 ಕೋಟಿ ಪನ್ದ್ ಬ್ಯಾಂಕ್‌ದ ಅಧ್ಯಕ್ಷೆರ್ ಒಲವು ಕೊರ್ತೆರ್. ಆ ಪ್ರಕಾರ ರಾಜ್ಯೊಡು ನಡತಿನ ಮಾಮಲ್ಲ ಕವ್ವೆದ ಪ್ರಕರಣ ಉಂದಾದುಂಡು.