Last updated on January 29th, 2025 at 09:10 am
ಉಲಕಾಡ್ ಶಾಲೆದ ಕಟ್ವಾನೊಡು ಇತ್ತಿನ ತೊಡ್ಡೆದ ಪಟ್ಟ್‌ಗ್ ವಿದ್ಯಾರ್ಥಿಯೊರಿ ಕಲ್ಲ್ ದಕ್ಕಿನೆರ್ದಾವರ ವಿದ್ಯಾರ್ಥಿಲೆನ ಮಿತ್ತ್ ತೊಡ್ಡೆದ ಕೆಲೆಂಜಿಲು ದಾಳಿ ಮಲ್ತಿನ ನಡಕೆ ಅಂಗಾರೆ ನಡತ್‌ದ್ಂಡ್.
ಮದ್ಯಾನ ಸುಮಾರ್ 3.30ತ ಅಂದಾಜಿಗ್ ಈ ನಡಕೆ ನಡತ್‌ದ್ಂಡ್. ಶಾಲೆದ ವಿದ್ಯಾರ್ಥಿಯೊರಿ ತೊಡ್ಡೆದ ಗೂಡ್‌ಗ್ ಕಲ್ಲ್ ದಕ್ಕಿನೇ ಕೆಲೆಂಜಿಲು ಶಾಲೆದ ಸುತ್ತುಮದೆಲ್‌ದ ಉಲಯಿ ಇತ್ತಿನ ಜೋಕುಲು ಬೊಕ್ಕ ಪೋಷಕೆರೆ ಮಿತ್ತ್ ತಾರಾಮರ ದಾಳಿ ಮಲ್ತ್‌ದ. 40 ವಿದ್ಯಾರ್ಥಿಲು ಸೇರ್ದ್ ಎಸ್‌ಡಿಎಂಸಿ ಪದುಕೆದಿ ಒರ್ತಿಗ್ ತೊಡ್ಡೆದಕೆಲೆಂಜಿಲು ಕೊಲ್ತ್‌ದ.
ಉಂದೆಟ್ 37 ವಿದ್ಯಾರ್ಥಿಲೆಗ್ ಅಜ್ಜೆರೆಕಾಡ್ ಜಿಲ್ಲಾಸ್ಪತ್ರೆಡ್ ಪ್ರಾಥಮಿಕ ಮರ್ದ್ ಕೊರ್ದಿತ್ತ್‌ದ್, ಬಯ್ಯಡ್ ಇಲ್ಲಗ್ ಪೋತೆರ್. ಒರಿನ ಮೂವೆರ್ ವಿದ್ಯಾರ್ಥಿಲೆ ಮೆಯೆಟ್ ಪರಂಕಿನ ಗಡಿಕುಲಾದಿತ್ತ್‌ದ್, ಅಕ್ಲೆನ್ ಮಹಿಳಾ ಬೊಕ್ಕ ಜೋಕುಲೆ ಆಸ್ಪತ್ರೆಗ್ ದಾಕಲ್ತ್‌ದೆರ್. ತೊಡ್ಡೆ ತುಚ್ಚಿದಿನ ಎಸ್‌ಡಿಎಂಸಿ ಪದುಕೆದಿನ್ ಜಿಲ್ಲಾಸ್ಪತ್ರೆದ ನಿಗಾ ಅದೆಟ್ ಉಂತಾದ ಪನ್ದ್ ಜಿಲ್ಲಾ ಸರ್ಜನ್‌ ಡಾ| ಅಶೋಕ್‌ ತೆರಿಪಾದೆರ್. ಡಿಡಿಪಿಐ ಕೆ. ಗಣಪತಿ, ನಗರಸಭೆ ಸದಸ್ಯೆರ್ ಜಾಗೆಗ್ ಬತ್ತ್‌ದ್ ಪರಿಶೀಲನೆ ಮಲ್ತ್‌ದ್ ಕ್ರಮ ಗೆತೊನೆರ ಸಕಾಯ ಮಲ್ದೆರ್.