Last updated on January 21st, 2025 at 03:55 pm
ಉತ್ತರ ಕನ್ನಡ ಜಿಲ್ಲೆದ ಹೊನ್ನಾವರ ತಾಲೂಕ್‌ಡ್ ಸನೆತ ಪೆತ್ತದ ತರೆ ಕಾರ್ ಕಡ್ತ್‌ದ್ ಮಾಸ ಪತೊಂದು ಪೋತಿನ ಪ್ರಕರಣೊಗು ಸಂಬಂಧಿತ್‌ದ್ ಪೊಲೀಸೆರ್ ಐವೆರು ಆರೋಪಿಲೆನ್ ಕೈದ್ ಮಲ್ದೆರ್. ಮೂಜಿ ದಿನೊತ ಕಾರ್ಯಾಚರಣೆ ಮಲ್ತ್‌ದ್ ಆರೋಪಿಲೆನ್ ಪತ್ತುನೆಟ್ ಪೊಲೀಸೆರ್ ಯಶಸ್ವಿಯಾತೆರ್.
ಸಾಲ್ಕೋಡ ಗ್ರಾಮೊಡು ನಡತಿನ ಈ ನಡಕೆಡ್ ಪೊಲೀಸೆರ್ ಪೆತ್ತದ ಮಾಸದ ಜಾಲದ ಬಗೆಟ್ಲಾ ಜಡ್ತೆ ಮಲ್ತೊಂದುಲ್ಲೆರ್.
ಗೋಹಂತಕೆರೆನ್ ಪತ್ತೆರೆ ಸ್ವತಃ ಫೀಲ್ಡ್‌ಗ್ ಜತ್ತ್‌ದಿನ ಎಸ್ಪಿ ಎಂ.ನಾರಾಯಣ್ ಸಿಬ್ಬಂದಿಲೆ ಒಟ್ಟುಗು ಕಾಡ್‌ಡೆ ಸುತ್ತುದೆರ್. ಇದಮುಟ್ಟ ಐವೆರ್ ಗೋಹಂತಕೆರೆನ್ ಪತ್ತ್‌ದಿನ ಪೊಲೀಸೆರ್, ಮೊಕಲ್ನ ನೆಟ್‌ವರ್ಕ್‌ನ್ ಪತ್ತೆರ ಬೇಪು ಪಾಡ್ದೆರ್. ಕೋಡೆ ಮುಟ್ಟ ಕಾರ್ಯಾಚರಣೆಗ್ ನಾಲ್ ಕೂಟೊಲೆನ್ ಮಲ್ತಿತ್ತೆರ್. ಎಚ್ಚಿಗೆ ಕುಡ ರಡ್ಡ್ ಕೂಟ ಮಲ್ತ್‌ದ್ ಕಾರ್ಯಾಚರಣೆ ಮಲ್ತೊಂದುಲ್ಲೆರ್.
ಉಂದೆಕ್ ದುಂಬು ಕಾಣೆ ಆತಿನ ಕೈಕಂಜಿಲೆನ ಬಗೆಟ್ಲಾ ಪೋಲೀಸೆರ್ ಒಲವು ಒಟ್ಟು ಮಲ್ತೊಂದುಲ್ಲೆರ್.