Last updated on January 10th, 2025 at 04:05 pm
ಕುಡ್ಲ: ಕುಡ್ಲಡ್ ಅಕ್ರಮವಾದ್ ಒಕ್ಕೆಲ್ ಕುಲ್ಲುದಿತ್ತಿನ ಬಾಂಗ್ಲಾದೇಶೊದ ಪ್ರಜೆ ಒರಿಯನ್ ಪೊಲೀಸೆರ್ ಅರೆಸ್ಟ್ ಮಲ್ದೆರ್. ರಾಜ್ಯ ಆಂತರಿಕ ಭದ್ರತಾ ವಿಭಾಗ ಬೊಕ್ಕ ಕುಡ್ಲ ಪೊಲೀಸೆರ್ ಕಾರ್ಯಾಚರಣೆ ಮಲ್ತ್‌ದ್ ಮುಕ್ಕ ಗ್ರಾಮೊಡು ಅಕ್ರಮವಾದ್ ಇತ್ತಿನ ಬಾಂಗ್ಲಾದೇಶೊದ ಪ್ರಜೆನ್ ಕೈದ್ ಮಲ್ದೆರ್.
ಕೈದಾತಿನಾಯನ್ ಬಾಂಗ್ಲಾದೇಶೊದ ರಾಜಶಾಹಿ ಜಿಲ್ಲೆದ ನಿವಾಸಿ ಅನರುಲ್ ಶೇಖ್ (25) ಪನ್ದ್ ಗುರ್ತ ಪತ್ತ್‌ದೆರ್. ಅನರುಲ್ ಶೇಖ್ ಮೂಜಿ ವರ್ಸೊಗು ದುಂಬು ಅಂತಾರಾಷ್ಟ್ರಿಯ ಗಡಿ ಲಾಲ್ಗೋಲ್ ಕಡತ್‌ದ್ ಅಕ್ರಮವಾದ್ ಭಾರತದುಲಯಿ ಬತ್ತಿತ್ತೆ. ಅವೆರ್ದ್ ಬೊಕ್ಕ, ಪಡ್ಡಾಯಿ ಬಂಗಾಳದ ಮುರ್ಷಿದಾಬಾದ್‌ರ್ದ್ ಒಡಿಪುಗು ಬತ್ತಿತ್ತೆ. ಮುಲ್ಪರ್ದ್, ಮುಕ್ಕ ಗ್ರಾಮೊದ ರೋಹನ್ ಎಸ್ಟೇಟ್‌ಡ್ ಅನರುಲ್ ಶೇಖ್ ಬೇಲೆಗ್ ಸೇರ್ದಿತ್ತೆ.
ಅನರುಲ್ ಶೇಖ್ ಬಗೆಟ್ ಪತ್ತ ಒಲವು ತಿಕ್ಕಿನ ರಾಜ್ಯ ಆಂತರಿಕ ಭದ್ರತಾ ವಿಭಾಗ ಬೊಕ್ಕ ಕುಡ್ಲ ಪೊಲೀಸೆರ್ ಕಾರ್ಯಾಚರಣೆ ಮಲ್ತ್‌ದ್, ಕೈದ್ ಮಲ್ಪುನೆಟ್ ಯಶಸ್ವಿಯಾತೆರ್.