Last updated on January 20th, 2025 at 07:45 am
ಪೊಸದಿಲ್ಲಿ: ನೇಪಾಳದ ಕೂಟೊನು ಸೋಪಾದ್ ಭಾರತೊದ ಪೊಂಜೊವುಲೆನ ಕೂಟ ಕಡೀರ ಸರ್ತಿದ ಖೋ ಖೋ ವಿಶ್ವಕಪ್ ಟ್ರೋಫಿನ್ ಗೆಂದ್ಂಡ್.
ಕೋಡೆ ಇಂದಿರಾ ಗಾಂಧಿ ಉಲತ್ತ ಕ್ರೀಡಾಂಗಣದೊಡು ನಡತಿನ ಫೈನಲ್ ಗೊಬ್ಬುಡು ಪ್ರಿಯಾಂಕಾ ಮುತಾಲಿಕೆದ ಭಾರತ ಕೂಟ ನೇಪಾಳ ಕೂಟೊನು 78-40 ಅಂತರೊಡು ಸೋಪಾದ್ ಚಾಂಪಿಯನ್‌ಶಿಪ್ ಗೆದ್ಂಡ್.
ಭಾರತ ಚೇಸ್ ಬೊಕ್ಕ ಡಿಫೆನ್ಸ್‌ ರಡ್ಡೆಟ್ಲಾ ಎಡ್ಡೆ ಗೊಬ್ಬುದು ಎದುರುದ ಕೂಟೊನು ಸೋಪಾಂಡ್.
ಭಾರತೊದ ಪೊಂಜೊವುಲೆನ ಕೂಟ ಟೂರ್ನಿಡ್ ಇಡೀಯ ಒರಲ ಸೋಪಂದೆ ದಾಖಲೆ ಮಲ್ತ್ಂಡ್. ಎ ಗ್ರೂಪ್‌ಡ್ ನಡತಿನ 3 ಗೊಬ್ಬುನ್ಲಾ ಗೆಂದ್‌ದ್ ಕಡೀರ ತಾನೊ ಪಡೆದಿತ್ತ್ಂಡ್. ಸೆಮಿ ಫೈನಲ್‌ಡ್ ತೆನ್ಕಾಯಿ ಆಫ್ರಿಕಾನ್ 66-16 ಟ್ ಸೋಪಾದ್ ಫೈನಲ್‌ಗ್ ಎತ್ತ್‌ದಿತ್ತ್ಂಡ್.