Last updated on January 10th, 2025 at 06:59 pm
ಬೊಲ್ತೇರ್: ಹಿಂದೂ ಜವನೆ ಬೊಕ್ಕ ಮುಸ್ಲಿಂ ಜವನ್ದಿ ಹಿಂದೂ ಕಟ್ಟ್ ಕಟ್ಲೆಲೆಕ ಮದಿಮೆ ಆತಿನ ವಿಶೇಷ ನಡಕೆ ನಡತ್‌ದ್ಂಡ್.
ಬೆದ್ರದ ಕಂಪ್ಯೂಟರ್ ಕ್ಲಾಸ್‌ಗ್ ಪನ್ದ್ ಪೋದಿತ್ತಿನ ನೆಲ್ಲಿಕಾರ್‌ದ ಮುಸ್ಲಿಂ ಜವನ್ದಿ ಒರ್ತಿ ನಿಗೂಢ ರೀತಿಡೊ ನಾಪತ್ತೆಯಾದಿತ್ತಿನ ಪ್ರಕರಣ ಇತ್ತೆ ಪೊಸ ಟ್ವಿಸ್ಟ್ ಗೆತೊಂದಿತ್ತ್‌ದ್, ತಾನ್ ಮೋಕೆ ಮಲ್ತೊಂದಿತ್ತಿನ ಜವನನೊಟ್ಟುಗು ದೇಲಂತಡೆಡ್ ಮದಿಮೆ ಆತಿನ ಒಲವು ಬೊಲ್ಪುಗು ಬೈದ್ಂಡ್.
ನಾಪತ್ತೆಯಾದಿತ್ತಿನ ಸುಹಾನ ಬೊಕ್ಕ ಕುಡುಮಗ್ ಮುಟ್ಟದ ಪಟ್ರಮೆದ ಹರೀಶ್ ಗೌಡನ (24) ನಡುಟು ಕರಿನ ಒಂಜಿ ವರ್ಬೊರ್ದಿಂಚಿ ಫೇಸ್‌ಬುಕ್‌ಡ್ ಗುರ್ತ ಆದ್ ಬೊಕ್ಕ ಅಕುಲಿರ್ವೆರೆ ನಡುಟು ಮೋಕೆ ಪುಟ್ಟುದಿತ್ತ್ಂಡ್. ಇರ್ವೆರ್ಲಾ ಮದಿಮೆ ಆಪಿನ ನಿರ್ಧಾರೊಗು ಬತ್ತಿತ್ತೆರ್. ಈ ದಿಸೆಟ್ ಸುಹಾನ ಇಲ್ಲದಕಲೆಗ್ ತೆರಿಪಾವಂದೆ ಆಣನ ಸೂಚನೆದ ಲೆಕ ಸೀದಾ ಬೊಲ್ತೇರ್‌ದಂಚಿ ಪೋದಿತ್ತಲ್.
ಸುಹಾನ ತನ್ನ ಇಸ್ಟೊಡೇ ಹಿಂದೂ ಕಟ್ಟ್‌ಕಟ್ಲೆದ ಪ್ರಕಾರ ಹರೀಶನ್ ಮದಿಮೆ ಆತೆರ್.
ದೇಲಂತಡೆಡ್ ಸುಹಾನ ಬೊಕ್ಕ ಹರೀಶ್ ಗೌಡ ಪೂಮಾಲೆ ಪಗತೊಂದೆರ್. ಆ ಪೊರ್ತುಡು ಸುಹಾನಗ್ ಹರೀಶ್ ಕರಿಮಣಿಲಾ ಪಾಡ್ದೆರ್.
ಕಂಡನೆ-ಬೊಡೆದಿ ಅಲ್ಪರ್ದ್ ಸೀದಾ ಬೊಲ್ತೇರ್ ವಿವಾಹ ನೊಂದಾವಣಾ ಕಚೇರಿಗ್ ಪೋದು, ಹಿಂದೂ ವಿವಾಹ ಕಾಯಿದೆದ ಪ್ರಕಾರ ಮದಿಮೆದ ನೋಂದಾವಣೆಗ್ ಅರ್ಜಿ ಪಾಡ್ದೆರ್.