Last updated on January 10th, 2025 at 10:59 am
ಕಡಬ: ಕರೆಂಟ್ ಶಾರ್ಟ್ ಸರ್ಕ್ಯೂಟ್ ಆದ್ ಇಲ್ಲಡಿತ್ತಿನ ಮಸ್ತಿರೆ, ಪದ್ದೈ ಬಂಗಾರ್, ಕುಂಟುಲು ಮಾತ ಪೊತ್ತುದ್ ಬೊಞ್ಞ ಆತಿನ ನಡಕೆ ಅಂಗಾರೆ ರಾತ್ರೆ ಕಡಬ ಗ್ರಾಮೊದ ಅಲಂಗಾರ್ ಪನ್ಪಿನಲ್ಪ ನಡತ್‌ದ್ಂಡ್.
ಅಲಂಗಾರ್ ಗ್ರಾಮೊದ ನೆಕ್ಕಿಲಾಡಿ ವಿನೋದಾ ಪನ್ಪಿನಾರೆನ ಇಲ್ಲಡ್ ಶಾರ್ಟ್ ಸರ್ಕ್ಯೂಟ್ ಆದ್ ಪಾಕ ಹಾನಿ ಆತ್ಂಡ್. ವಿನೋದಾ ಮೆರೆನ ಜೋಕುಲು ಶಾಲೆದ ವಾರ್ಷಿಕೋತ್ಸವೊಡು ಪಾಲ್‌ಪಡೆಯೆರೆ ಪೋದಿತ್ತೆರ್. ವಿನೋದಾಲ ಬೇಲೆ ಆದ್ ಶಾಲೆದಂಚಿ ಪೋತೆರ್. ರಾತ್ರೆ 8 ಗಂಟೆದ ಅಂದಾಜಿಗ್ ಈ ನಡಕೆ ನಡತ್‌ದ್ಂಡ್.
ಇಲ್ಲಲ್ದ್ ಕಪ್ಪು ಪುಗೆ ಬರೊಂದುಪ್ಪುನ ತೂದು ಬರಿತಿಲ್ಲದಕುಲು ಬತ್ತ್‌ದ್ ತೂನಗ ಸೂ ಪೊತ್ತೊಂದುಪ್ಪುನ ತೋಜಿದ್ಂಡ್. ಅಪಗನೇ ನೀರ್ ಪಾಡ್ದ್ ಸೂ ತೆಕ್ಕಾಯೆರ ತೂತೆರ್. ಆಂಡಲಾ ಆತ್ ಪೊರ್ತುಗಾನಗ ಇಲ್ಲದುಲಯಿ ಇತ್ತಿನ ಸೋಫಾ, ಕುಂಟು, ಬಂಗಾರ್, ಜೋಕುಲೆನ ಪುಸ್ತಕೊಲು ಮಾತ ಪೊತ್ತುದು ಪೋದಿತ್ತ.
ಜಾಗೆಗ್ ಅಲಂಗಾರ್ ಗ್ರಾಮೊದ ಲೆಕ್ಕಾಧಿಕಾರಿ, ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿ ಬತ್ತ್‌ದ್ ಪರಿಶೀಲನೆ ಮಲ್ದೆರ್.