Last updated on January 23rd, 2025 at 05:33 pm
ಪ್ರಾರ್ಥನೆ, ಪೊಸ ಪೊಣ್ಣು, ಬರ್ಸದ ರಾತ್ರೆ ಇಂಚ ಪಾಕ ತುಳು ಪದೊಕುಲೆನ್ ಕೊರ್ತಿನ ಪ್ರವೀಣ್ ಆಳ್ವೆರ್ ತನ್ನ ಕುಡೊಂಜಿ ಹಿಟ್ ಪದ ‘ಕಡಲಂಚಿ ಸುಖ ಉಂಡುಗೇ’ ಪನ್ಪಿನ ಪದೊತ ವೀಡಿಯೋನು ತನ್ನ ಯೂಟ್ಯೂಬ್‌ಡ್ ಬುಡುಗಡೆ ಮಲ್ದೆರ್.
ಕರಿನ ವರ್ಸ ಮೇರ್ ಬುಡುಗಡೆ ಮಲ್ದಿನ ‘ನೀರ್’ ಪನ್ಪಿನ ಆಲ್ಬಮ್‌ದ ಭಾಗ ಆದುಪ್ಪುನ ಈ ಪದ ಕಡಲಾಯೆರೆನ ಪದೊತ ವಸ್ತು ಆದ್ ದೀವೊಂದು ಬೇಲೆಗೋಸ್ಕರ ಊರು ಬುಡುದು ಪೋಪಿನಕ್ಲೆನ ಬದ್‌ಕ್‌ ಭಾವನೆನ್ ಕಣ್ಣೆದುರು ಕಟ್ಟ್‌ದ್ ಕೊರ್ಪುಂಡು. ‘ಬೊಲ್ಪುನೇ ನಾಡೊಂದು ಬತ್ತೇ… ಕನನೊಂಜಿ ಉಡಲ್‌ಡ್ ನಡ್ತೇ…’ ಪನ್ದ್ ಸುರು ಆಪಿನ ಈ ಪದೊತ ಸುಯಿಲ್‌ನ್ ವೀಡಿಯೋಡ್ ಕಟ್ಟ್‌ದ್ ಕೊರ್ಪಿನ ಪುನೆಪು ಮಲ್ತ್‌ದೆರ್ ಪ್ರವೀಣ್ ಆಳ್ವೆರ್.