Last updated on January 2nd, 2025 at 03:26 pm
ಕುಡ್ಲ: ಕಡಲ ಕರೆತ ಬರಿಟ್ ಇಪ್ಪುನ ಪೊಟ್ಟು ಗುವೆಲ್ ದ ಕಟ್ಟೆಡ್ ಕುಲೊಂದು ಪಾಸಾಡಿಲೆಡ ಪಾತೆರೊಂದುಪ್ಪುನಗ ಆಯತತ್ತ್‌ದ್ ಗುವೆಲ್‌ಗ್ ಬೂರ್ದ್ ಆಂಜೊವು ಒರಿ ತೀರ್ದಿನ ನಡಕೆ ಸೋಮೇಶ್ವರ ಉಚ್ಚಿಲಡ್ ನಡತ್‌ದ್ಂಡ್.
ತೀರ್ದಿನಾರೆನ್ ಉಚ್ಚಿಲ ವಾಝ್ಕೊ ರೆಸಾರ್ಟ್ ದಲ್ತ ನಿವಾಸಿ ಶಶೀಂದ್ರ ಎಂ. ಉಚ್ಚಿಲ್ (74) ಪನ್ದ್ ಗುರ್ತಪತ್ತ್‌ದೆರ್. ಶಶೀಂದ್ರೆ ಮೇರ್ ಮೀನ್ ಪತ್ತುನ ಬೇಲೆ ಮಲ್ತೊಂದಿತ್ತ್‌ದ್, ಕೋಡೆ ಬಯ್ಯಡ್ ಪಾಸಾಡಿನ ಒಟ್ಟುಗು ವಾಝ್ಕೋ ರೆಸಾರ್ಟ್‌ದ ಎದುರುದ ಪೊಟ್ಟು ಗುವೆಲ್‌ದ ಕಟ್ಟೆಡ್ ಕುಲೊಂದು ಪಟ್ಟಾಂಗ ಪಾಡೊಂದಿತ್ತೆರ್. ಈ ಪೊರ್ತುಡು ಶಶೀಂದ್ರೆರ್ ಆಯತತ್ತ್‌ದ್ ಗುವೆಲ್‌ದುಲಯಿ ಬೂರ್ದೆರ್. ಎಡ್ಡೆ ಮೀಂದೆರೆ ಗೊತ್ತಿತ್ತಿನ ಶಶೀಂದ್ರೆರ್ ತರೆಕಂತ ಆದ್ ಗುವೆಲ್‌ಗ್ ಬೂರ್ದಿತ್ತ್‌ದ್, ಗುವೆಲ್‌ಡ್ ಕಾಲಿ ಮೂಜಿ ಫೀಟ್‌ದಾತ್ ನೀರಿತ್ತಿನೆರ್ದಾವರ ತರೆಕ್ ಗಾತಿದ ಪೆಟ್ಟ್ ಬೂರ್ದ್ ತೀರ್ದೆರ್. ಮುಟ್ಟ ಇತ್ತಿನಕುಲೇ ಮೃತದೇಹೊನು ಗುವೆಲ್‌ರ್ದ್ ಮಿತ್ತ್ ದೆತ್ತ್‌ದೆರ್. ಉಳ್ಳಾಲ ಪೊಲೀಸೆರ್ ಮೃತದೇಹೊನು ಮರಣೋತ್ತರ ಪರೀಕ್ಷೆಗ್ ಕಡಪುಡ್ದೆರ್.