ಉಬಾರ್: ರಿಕ್ಷಾಡ್ ಗಾಂಜಾ ಕೊನೊವೊಂದಿತ್ತಿನಾಯನ್ ಪತ್ತಿನ ಪೋಲೀಸೆರ್

Last updated on January 18th, 2025 at 04:54 pm

ಉಬಾರ್: ರಿಕ್ಷಾಡ್ ಗಾಂಜಾ ಕೊನೊವೊಂದಿತ್ತಿನಾಯನ್ ಗಾಂಜಾದ ಒಟ್ಟುಗು ಪೋಲೀಸೆರ್ ಪತ್ತಿನ ನಡಕೆ ಉಬಾರ್‌ಡ್ ನಡತ್‌ದ್ಂಡ್. ಬೊಲ್ತೇರ್ ತಾಲೂಕ್‌ದ ಪುತ್ತಿಲ ಗ್ರಾಮೊದ ಅಬ್ದುಲ್ ಸಲೀಂ(35) ಕೈದಾತಿನ ಆರೋಪಿ.

ಎಸ್.ಐ. ಅವಿನಾಶ್ ಬೊಕ್ಕ ಆರೆನ ಟೀಮ್ 34ನೇ ನೆಕ್ಕಿಲಾಡಿಡ್ ಗಾಡಿಲೆನ ತಪಾಸಣೆ ಮಲ್ತೊಂದುಪ್ಪುನಗ ಬಂಟ್ವಾಳದಂಚಿರ್ದ್ ಉಬಾರ್‌ಗ್ ಬರೊಂದಿತ್ತಿನ ರಿಕ್ಷಾನ್ ಉಂತೆರೆ ಪನ್ಪೆರ್. ಆಂಡ ಗಾಡಿ ಉಂತಾವಂದೆ, ಎದುರು ಕೊನೊದು ರಿಕ್ಷಾರ್ದ್ ಜತ್ತ್ ದ್ ಬಲಿಪೆರೆ ತೂಯಿನ ಅಬ್ದುಲ್ ಸಲೀಂನ್ ವಶೊಕು ಗೆತೊಂದು ವಿಚಾರಣೆ ಮಲ್ತಿನಗ ಗಾಂಜಾ ಕೊನೊವೊಂದಿತ್ತಿನ ತೆರಿದ್ಂಡ್. ನೌಶಾದ್ ಪನ್ಪಿನಾಯೆ ಗಾಂಜಾ ಕೊರ್ತಿನ ಪನ್ದ್ ಸಲೀಂ ತೆರಿಪಾದೆ ಪನ್ದ್ ಪೋಲೀಸೆರ್ ಪನ್ತೆರ್.