ಕಡಬ – ಫುಲ್ ಟ್ಯಾಂಕ್ ಡಿಸೇಲ್ ಪಾಡ್ಪಾದ್ ಕಾಸ್ ಕೊರಂದೆ ಪದ್ರಾಡಾಯಿನ ಥಾರ್ ಡ್ರೈವರ್

Last updated on January 22nd, 2025 at 05:01 pm

ಕಡಬ: ಥಾರ್ ಗಾಡಿಡ್ ಬತ್ತಿನಾಯೆ ಒರಿ ಗಾಡಿಗ್ ಫುಲ್ ಟ್ಯಾಂಕ್ ಡಿಸೇಲ್ ಪಾಡ್ಪಾದ್ ಕಾಸ್ ಕೊರಂದೆ ಪದ್ರಾಡಾತಿನ ನಡಕೆ ಕಡಬದ ಹಿಂದೂಸ್ಥಾನ್ ಪೆಟ್ರೋಲ್ ಬಂಕ್‌ಡ್ ನಡತ್‌ದ್ಂಡ್.

ಸುಬ್ರಹ್ಮಣ್ಯ ಸಾದಿದ ಪರ ಸ್ಟೇಷನ್ ದಲ್ಪ ಇಪ್ಪುನ ಹಿಂದೂಸ್ತಾನ್ ಪೆಟ್ರೋಲ್ ಬಂಕ್ ಡ್ ಥಾರ್ ಗಾಡಿಗ್ ಪುಲ್ ಟ್ಯಾಂಕ್ ಡಿಸೇಲ್ ದಿಂಜಾದೆ. ಬೊಕ್ಕ ಕ್ಯಾನ್ ಕೊರ್ದು ಅವೆಕ್ ಡಿಸೇಲ್ ದಿಂಜಾಯೆರ ಬಂಕ್‌ದ ಸಿಬ್ಬಂದಿಗ್ ಪನ್ತೆ. ಸಿಬ್ಬಂದಿ ಡಿಸೇಲ್ ದಿಂಜಾಯೆರ ಪೋಯಿನ ಪೊರ್ತುಡು ಕಾರ್ ಬುಡೊಂದು ಸೀದಾ ಪೋತೆ. ಈ ವಿಡಿಯೋ ಸಿಸಿಟಿವಿಡ್ ಕೈದಾತ್ಂಡ್.

ಉಂದೇ ನಂಬರ್‌ದ ಕುಡೊಂಜಿ ಮಹೇಂದ್ರ ಎಕ್ಸ್ಯುವಿ ಗಾಡಿ ಸುಳ್ಯ ಪೈಚಾರ್ ಪೆಟ್ರೋಲ್ ಬಂಕ್‌ಡ್ ಕರಿನ ಡಿಸೆಂಬರ್ 25ಕ್ ಡಿಸೇಲ್ ಪಾಡ್ಪಾದ್ ಕಾಸ್ ಕೊರಂದೆ ಪದ್ರಾಡಾತೆ. ಉಂದುವೇ ಜನ ಬೇತೆ ಬೇತೆ ಕಡೆಟ್ ಡಿಸೇಲ್ ಪಾಡ್ದ್ ಕಾಸ್ ಕೊರಂದೆ ದಗೆ ಮಲ್ತೊಂದುಲ್ಲೆ ಪನ್ಪಿನ ಒಲವು ತಿಕ್ಕ್‌ದ್ಂಡೊ. ಈ ನಂಬರ್‌ದ ಗಾಡಿ ಓಲ್ಲ ತಿಕ್ಕ್ಂಡ ಮುಟ್ಟದ ಪೊಲೀಸ್ ಸ್ಟೇಶನ್‌ಗ್ ಒಲವು ಕೊರ್ಯೆರ ಬಿನ್ನಪು ಮಲ್ದೆರ್.