Last updated on January 7th, 2025 at 03:37 pm
ಕುಡ್ಲ ಜನವರಿ 07: ವ್ಯಕ್ತಿ ಒರಿ ನಿಜವಾಯಿನ ರಿವಾಲ್ವರ್ ನ್ ಗೊಬ್ಬುನ ಗನ್ ಪನ್ಡ್‌ದ್ ಅವೆತ ಟ್ರಿಗರ್ ಒತ್ತಿನೆರ್ದಾವರ ಬಂಜಿಗ್ ಗುಂಡು ಆಕ್‌ದ್ ಆಸ್ಪತ್ರೆಗ್ ದಾಕಲಾತಿನ ನಡಕೆ ವಾಮಂಜೂರ್‌ಡ್ ನಡತ್‌ದ್ಂಡ್.
ಪೆಟ್ಟಾತಿನಾರೆನ್ ಸಫ್ವಾನ್ ಪನ್ದ್ ಗುರ್ತ. ವಾಮಂಜೂರ್‌ದ ಸೆಕೆಂಡ್ ಹ್ಯಾಂಡ್ ಅಂಗಡಿ ಒಂಜೆಟ್ ಭಾಸ್ಕರ್ ಪನ್ಪಿನಾರ್ ಗನ್ ನ್ ಟೇಬಲ್‌ದ ಮಿತ್ತ್ ದೀದ್ ವಾಶ್ ರೂಂ ಗ್ ಪೋದಿತ್ತೆರ್. ಈ ಪೊರ್ತುಡು ಸೆಕೆಂಡ್ ಹ್ಯಾಂಡ್ ಬಜಾರ್ ಗ್ ಬತ್ತಿತ್ತಿನ ಸಫ್ವಾನ್ ಗೊಬ್ಬುನ ಸೊತ್ತು ಪನ್ದ್ ಎನ್ನ್‌ದ್ ಬಂಜಿಗ್ ದೀದ್ ಶೂಟ್ ಮಲ್ತೊಂದೆರ್.
ಅಂಚಾದ್ ಸಫ್ವಾನ್‌ರೆನ ಬಂಜಿಗ್ ಗುಂಡು ಆಕ್‌ದ್ ಪೆಟ್ಟಾತ್ಂಡ್. ಇತ್ತೆ ಸಫ್ವಾನ್ ಪಡೀಲ್‌ದ ಖಾಸಗಿ ಆಸ್ಪತ್ರೆಡ್ ಮರ್ದ್ ಮಲ್ತೊಂದುಲ್ಲೆರ್. ಉಂದೊಂಜಿ ಆಕಸ್ಮಿಕ ನಡಕೆ ಪನ್ದ್ ಪೊಲೀಸ್ ಮೂಲೊಲು ತೆರಿಪಾದ.