Last updated on January 1st, 2025 at 09:16 am
ತನ್ನ ಮೂಜಿ ಜೋಕುಲೆನ್ ಗುವೆಲ್ಗ್ ನೂಕುದು ಕೆರ್ತಿನಿ ಅತ್ತಂದೆ ತನ್ನ ಬೊಡೆದಿನ್ಲಾ ಗೂವೆಲ್ ಗ್ ನೂಕುದು ಕೆರಿಯರೆ ಪುನೆಪು ಬತ್ತಿನ ಆರೋಪಿ ಹಿತೇಶ್ ಶೆಟ್ಟಿಗಾರ್ ಪನ್ಪಿನ ಜನಕ್ ಕುಡ್ಲ ನ್ಯಾಯಂತಡೆ ಮರಣ ದಂಡನೆ ಕೊರ್ದು ಆದೇಶ ಮಲ್ದ್ಂಡ್.
ತಾರಿಪಾಡಿ ಗ್ರಾಮದ ಪದ್ಮನ್ನೂರು ಪನ್ಪಿನಲ್ಪ 2022 ಜೂನ್ 23ಕ್ಕ್ ಬಯ್ಯಗ್ ಹಿತೇಶ್ ಶೆಟ್ಟಿಗಾರ್ ತನ್ನ ಜೋಕುಲಾಯಿನ ರಶ್ಮಿತಾ(13), ಉದಯ್(11), ದಕ್ಷೀತ್(5) ಪನ್ಪಿನಕಲೆನ್ ಗುವೆಲ್ ಗ್ ನೂಕುದು ಕೆರ್ದ್ ತನ್ನ ಬೊಡೆದಿ ಲಕ್ಷ್ಮಿ ನ್ಲಾ ಗುವೆಲ್ಗ್ ನೂಕುದಿತ್ತೆರ್.
ಆರೋಪಿ ಒವ್ಲಾ ಬೇಲೆ ಮಲ್ಪಂದೆ ಯಾಪಲಾ ಬೊಡೆದಿದ ಕಾದೊಂದಿತ್ತೆ. ಅವ್ವೇ ಪಗೆಟ್ ಅಪಗ ಆತೇ ಶಾಲೆರ್ದ್ ಬತ್ತಿನ ಜೋಕುಲೆನ್ ಗುವೆಲ್ಗ್ ನೂಕುದಿತ್ತೆ. ಬಯ್ಯಗ್ ಹೊಟೇಲ್‌ಡ್ ಬೇಲೆ ಮಲ್ತ್ ಬತ್ತಿನ ಬೊಡೆದಿನ್ಲಾ ಕೆರ್ಪಿನ ಉದ್ದೇಶೊಡು ಬರಿತಿಲ್ಲದ ಗುವೆಲ್ಗ್ ನೂಕುದಿತ್ತೆ. ಲಕ್ಷ್ಮಿನ ಬೊಬ್ಬೆ ಕೇನ್ದ್ ತಾದಿದ ಕೈತಲ್ ಪೂ ಮಾರೊಂದಿತ್ತಿನ ಜನ ಪಾರ್ ಬತ್ತ್ ಅರೆನ್ ಒರಿಪಾಯೆರ್.
ಈ ನಡಕೆದ ಬಗೆಟ್ ಲಕ್ಷ್ಮಿ ಮುಲ್ಕಿ ಪೋಲೀಸ್ ಸ್ಟೇಷನ್ ಡ್ ಕೊರ್ತಿನ ಒಯಿಲ್ ದ ಪ್ರಕಾರ ಆರೋಪಿ ಕೆರ್ತಿನ ಅಂಚೆನೆ ಕೆರಿಯರೆ ಪುನೆಪು ಬೈದಿನ ಆರೋಪ ಸಾಬೀತಾದ್ ಇತ್ತೆ ಶಿಕ್ಷೆ ಪ್ರಕಟ ಆತ್ಂಡ್.