Last updated on January 14th, 2025 at 05:43 pm
ಕುಡ್ಲ ಜನವರಿ 14: ಸವಣೂರು, ಸುಬ್ರಮಣ್ಯ ನೆಲ್ಯಾಡಿ ಬೊಕ್ಕ ಕಡಬಡ್ ಸೋಲಾರ್ ಪಾರ್ಕ್ ಕಟ್ಟಾಯೆರ ಜಾಗ ಗೊತ್ತು ಮನ್ಪೆರ ಕೇಂದ್ರ ಪಿರಗಲಸುನಂಚಿನ ಇಂಧನ ಇಲಾಖೆರ್ದ್ ಓಲೆ ಬತ್ತಿನೆರ್ದಾವರ ಒಂಜಿ ವಾರೊದುಲಯಿ ಈ ಬಗೆಟ್ ವರದಿ ಕೊರ್ಯೆರ ಸಂಸದೆ ಕ್ಯಾ. ಬ್ರಿಜೇಶ್ ಚೌಟೆರ್ ಕಡಬ ತಾಲೂಕು ತಹಸೀಲ್ದಾರ್‌ಗ್ ಸೂಚನೆ ಕೊರ್ತೆರ್.
ಕಡಬ ತಾಲೂಕು ಕಚೇರಿಡ್ ಜನವರಿ 13 ತಾನಿ ನಡತಿನ ಸಾರ್ವಜನಿಕೆರೆ ಭೇಟಿದ ಪೊರ್ತುಡು ಪಾತೆರ್ನ ಸಂಸದೆರ್, ಪ್ರಧಾನಮಂತ್ರಿ ನರೇಂದ್ರ ಮೋದಿಯೆರ್ ಪಿಎಂ ಕುಸುಮ್ ಯೋಜನೆದಡಿಟ್ ದೇಶೊಡೊರ್ಮೆ ಸೋಲಾರ್ ಪಾರ್ಕ್‌‌ಲೆನ್ ಕಟ್ಟಾದ್ ಗ್ರೀನ್ ಎನರ್ಜಿಗ್ ಒತ್ತು ಕೊರ್ಯೆರ ಲೆಪ್ಪು ಕೊರ್ತೆರ್. ಅಂಚಾದ್ ಇತ್ತೆ ಸವಣೂರು, ಸುಬ್ರಮಣ್ಯ ನೆಲ್ಯಾಡಿ ಬೊಕ್ಕ ಕಡಬಡ್ ಸೋಲಾರ್ ಪಾರ್ಕ್ ಮನ್ಪೆರ ಜಾಗೆ ತೂಯೆರ ಸಚಿವಾಲಯೊರ್ದು ಮೆಸ್ಕಾಂಗ್ ಓಲೆ ಬತ್ತ್‌ದ್ಂಡ್. ಅಂಚಾದ್, ಒಂಜಿ ವಾರೊದುಲಯಿ ಕಡಬ ತಾಲೂಕು ಸೀಮೆಡ್ ಜಾಗೆ ತೂದು ಸಾಧಕ-ಬಾಧಕೊಲೆನ ಬಗೆಟ್ ವರದಿ ಕೊರ್ಯೆರ ಸಂಸದೆರ್ ತಹಶಿಲ್ದಾರೆರೆಗ್ ಸೂಚನೆ ಕೊರ್ತೆರ್.