Last updated on January 24th, 2025 at 03:43 pm
ಕುಡ್ಲ: ದುಬೈರ್ದ್ ಬತ್ತಿತ್ತಿನ ಕಾರ್ಲ ಮೂಲೊದ ಒರಿಯಡ ಮಂಕಿಪಾಕ್ಸ್ ಪ್ರಕರಣ ಪತ್ತೆಯಾತ್ಂಡ್. ಪುಣೆತ ರಾಷ್ಟ್ರೀಯ ವೈರಾಲಜಿ ಸಂಸ್ಥೆ 40 ವರ್ಸೊದ ಈ ಜನತ ಸ್ಯಾಂಪಲ್‌ನ್ ಪರೀಕ್ಷೆ ಮಲ್ತ್‌ದ್ ಮಂಕಿಪಾಕ್ಸ್ (MPox) ಪ್ರಕರಣ ದೃಢ ಮಲ್ದ್ಂಡ್.
ಕರಿನ 19 ವರ್ಸೊರ್ದಿಂಚಿ ದುಬೈಡೆ ಇತ್ತಿನ ಈ ಜನ ಜನವರಿ 17ತಾನಿ ಊರ್‌ಗ್ ಬತ್ತಿತ್ತೆರ್. ಉಂದೆಟ ಬೆರಿಟೇ ಆರೆಗ್ ಬಿಸ್ರುಪು ಬೂರಿಲೆಕ ಆತಿನ ತೋಜಿದ್ ಬತ್ತಿತ್ತ್ಂಡ್ ಅಂಚೆನೇ ಜ್ವರಲಾ ಬತ್ತ್‌ದ್ಂಡ್. ಆರೆನ್ ಅಪಗನೇ ಪ್ರೈವೇಟ್ ಆಸ್ಪತ್ರೆಡ್ ಬೇತೆನೇ ಬೆಡ್‌‌ಡ್ ಜೆಪುಡಾದ್ ಮರ್ದ್ ಮಲ್ತಿತ್ತ್ಂಡ್. ಆರೆನ ಎಂಪೋಕ್ಸ್ ಸ್ಯಾಂಪಲ್‌ನ್ ಬೆಂಗಳೂರು ವೈದ್ಯಕೀಯ ಕಾಲೇಜಿಗ್ (BMC) ಬೊಕ್ಕ ಪುಣೆಗ್ ಕಡಪುಡ್ದ್ ಕೊರ್ದಿತ್ತೆರ್. ಪುಣೆತ ಪರೀಕ್ಷೆಡ್ ಮಂಕಿಪಾಕ್ಸ್ ಇಪ್ಪುನ ದೃಢ ಆತ್ಂಡ್. ಇತ್ತೆ ಈ ಜನತ ಆರೋಗ್ಯ ಸ್ಥಿರ ಇತ್ತ್‌ದ್ ಒವ್ವೇ ಗಾತಿದ ತೊಂದರೆಲು ಇಜ್ಜ. ಆರ್ ಬೇಗೊಡೇ ಡಿಸ್ಚಾರ್ಜ್ ಆಪಿನ ಸಾಧ್ಯತೆ ಉಂಡು ಪನ್ದ್ ಜಿಲ್ಲಾ ಆರೋಗ್ಯ ಅಧಿಕಾರಿ ಡಾ. ನವೀನ್ಚಂದ್ರ ಕುಲಾಲ್ ಪನ್ತೆರ್. ರೋಗಿನ 36 ವರ್ಸ ಪ್ರಾಯೊದ ಬೊಡೆದಿನ್ ಪ್ರಾಥಮಿಕ ಸಂಪರ್ಕಿತ ವ್ಯಕ್ತಿ ಪನ್ದ್ ಒಂತೆ ದಿನ ಆರೆಗ್ ಕ್ವಾರಂಟೈನ್ಡ್ ಇಪ್ಪೆರೆ ಸೂಚನೆ ಕೊರ್ತುಂಡು.