Last updated on January 10th, 2025 at 09:53 am
ಒಡಿಪು: ಕಾಶಿ, ಅಯೋಧ್ಯೆದ ಲೆಕ ಒಡಿಪುಡು ಶ್ರೀಕೃಷ್ಣ ಕಾರಿಡಾರ್‌ ಯೋಜನೆ ಮುಕೇನ ನಗರೊದ ಬುಲೆಚ್ಚಿಲ್‌ಗ್ ಆದ್ಯತೆ ಕೊರ್ಯೆರ ಚಿಂತನೆ ಆವೊಂದುಂಡು.
ಈ ಬಗೆಟ್ ಪರ್ಯಾಯ ಪುತ್ತಿಗೆ ಮಠಾಧೀಶೆರಾಯಿನ ಶ್ರೀ ಸುಗುಣೇಂದ್ರ ತೀರ್ಥ ಸ್ವಾಮಿಲೆಡ ಚರ್ಚೆ ಮಲ್ತ್‌ದ. ಎಂಚ ಆಪುಂಡು ಇಪ್ಪುಂಡು ಪನ್ಪಿನೆನ್ ರೆಡಿ ಮಲ್ತ್‌ದ್, ಕೇಂದ್ರ ಸರಕಾರೊರ್ದು ಸುಮಾರ್ 300ರ್ದ್ 400 ಕೋ.ರೂ. ಅನುದಾನೊಗು ಪ್ರಧಾನಿ ನರೇಂದ್ರ ಮೋದಿಯೆರೆನ್ ಭೇಟಿ ಮನ್ಪೆರೆ ನಿರ್ಧಾರ ಮಲ್ತ್‌ದ ಪನ್ದ್ ನಗರಸಭೆ ಅಧ್ಯಕ್ಷೆ ಪ್ರಭಾಕರ ಪೂಜಾರಿ ಗುಂಡಿಬೈಲು ತೆರಿಪಾಯೆರ್.
ಪತ್ರಿಕಾಭವನೊಡು ನಡತಿನ ಸಂವಾದೊಡು ಪಾತೆರ್ನ ಆರ್, ಎಡ್ಡೇನ ರಿಂಗ್‌ರೋಡ್‌ ಕಟ್ಟಾವುನ, ವ್ಯವಸ್ಥಿತ ಸಂಚಾರ ವ್ಯವಸ್ಥೆ, ಅತ್ಯಾಧುನಿಕ ಸಿಸಿಟಿವಿ ಪಾಡ್ಪಾವುನ, ಮಲ್ಟಿಲೆವೆಲ್‌ ಪಾರ್ಕಿಂಗ್‌ ವ್ಯವಸ್ಥೆಲು ಉಂದೆಟ್ ಇಪ್ಪುವ. ವಿಶೇಷವಾದ್ ಕರಾವಳಿ ಬೈಪಾಸ್‌- ಕಲ್ಸಂಕ- ಮಣಿಪಾಲ ಮಾರ್ಗೊಡು ಫ್ಲೈಓವರ್‌ ಕಟ್ಟಾವುಂಡು. ಟ್ರಾಫಿಕ್‌ನ್ ಅಂಕೆಡ್ ದೀವೆರೆ ಪಗತೆ ಸಾದಿಲೆನ್ ಮನ್ಪಾವುಂಡು ಪನ್ದ್ ಪನ್ಡೆರ್.
ಪತ್ರಿಕಾಭವನೊಗು ಪೋಪಿನ ಸಾದಿಗ್ ಪತ್ರಕರ್ತೆ ವಡ್ಡರ್ಸೆ ರಘುರಾಮ ಶೆಟ್ರೆನ ಪುದರ್ ದೀಪುನು ಪನ್ದ್ ಆರ್ ಪನ್ಡೆರ್.