Last updated on January 28th, 2025 at 04:57 pm
ರೆಸಿಡೆನ್ಸಿದ ಎದುರು ಉಂತಾದಿತ್ತಿನ ಬೈಕ್ ಒಂಜಿ ಕಂಡ್‌ದ್ ಪೋತಿನ ನಡಕೆ ನರಿಕೊಂಬು ಗ್ರಾಮೊದ ರಥಬೀದಿಡ್ ಜ.26 ಐತಾರದಾನಿ ರಾತ್ರೆ ನಡತಿತ್ತ್‌ದ್, ಕಲ್ವೆದ ದೃಶ್ಯ ಸಿ.ಸಿ.ಕ್ಯಾಮರಾಡ್ ಕೈದಾತ್ಂಡ್.
ಮೆಸ್ಕಾಂದ ಆನಂದ ಪನ್ಪಿನಾರ್ ನರಿಕೊಂಬು ರಥಬೀದಿ‌ಡುಪ್ಪುನ ರೆಸಿಡೆನ್ಸಿ ಒಂಜೆಟ್ ಬಾಡಾಯಿದ ಇಲ್ಲಡ್ ಇತ್ತ್‌ದ್, ಬೇಲೆ ಮುಗಿತ್‌ದ್ ಬಯ್ಯಡ್ ಸಾದಿದ ಬರಿಟೆ ಇಪ್ಪುನ ಇಲ್ಲದ ಎದುರು ಬೈಕ್ ಉಂತಾದಿತ್ತೆರ್. ನಿಚ್ಚೊಲಾ ಆರ್ ಅಲ್ಪನೇ ಬೈಕ್ ಉಂತಾವೊಂದಿತ್ತ್‌ದ್, ಐತಾರಲಾ ಅವ್ವೇ ಜಾಗೆಡ್ ಉಂತಾದ್ ಪೋದಿತ್ತೆರ್.
ರಾತ್ರೆ ಕೈಟ್ ಲೈಟ್ ಪತೊಂದು ನಡತೊಂದು ಬತ್ತಿನಾಯೆ ಒರಿ, ಬೈಕ್‌ದಡೆ ಬತ್ತ್‌ದ್ ಕೀ ಪಾಡ್ದ್ ಸ್ಟಾರ್ಟ್ ಮಲ್ತ್ ಪೋಪುನ ದೃಶ್ಯ ಸಿ.ಸಿ.ಕ್ಯಾಮರಾಡ್ ಕೈದಾತ್ಂಡ್.
ಬಂಟ್ವಾಳ ನಗರ ಪೋಲೀಸ್ ಸ್ಟೇಷನ್‌ಡಡ ಪ್ರಕರಣ ದಾಕಲಾದಿತ್ತ್‌ದ್, ಬೈಕ್ ಪತ್ತೆರ ಪೊಲೀಸೆರ್ ಬೇಪು ಪಾಡ್ದೆರ್.