“ಬೆರ್ಮೆರ್ ಬೊಕ್ಕ ಲೆಕ್ಕೇಸಿರಿ”- ಒಂಜಿ ದಿನೊತ ರಾಷ್ಟ್ರೀಯ ವಿಚಾರ ಸಂಕಿರಣೊದ ಪೂರ್ವಭಾವಿ ಇನಯ

Last updated on January 20th, 2025 at 05:33 pm

ತುಳು ಭಾಷೆ ಬೊಕ್ಕ ಸಂಸ್ಕೃತಿದ ಅಧ್ಯಯನೊಗು ಪೂರಕವಾದ್, “ತುಳುನಾಡ ಮಣ್ಣ್‌ದ ಆದಿಮೂಲ ದೈವೊಲಾಯಿನ ಬೆರ್ಮೆರ್ ಬೊಕ್ಕ ಲೆಕ್ಕೇಸಿರಿ” ಬಗೆಟ್ ಒಂಜಿ ದಿನೊತ ರಾಷ್ಟ್ರೀಯ ವಿಚಾರ ಸಂಕಿರಣೊನು ಮಾರ್ಚ್ ತಿಂಗೊಲ್ಡ್ ಮನ್ಪೆರ ಗೊತ್ತು ಮಲ್ತಿತ್ತ್‌ದ್, ಉಂದೆತ ಪೂರ್ವಭಾವಿ ಇನಯ ಜ. 29 ದಾನಿ ಕಾಂಡೆ 11.00 ಗಂಟೆಗ್, ಕಟೀಲ್ ಶ್ರೀ ದುರ್ಗಾ ಪರಮೇಶ್ವರಿ ದೇಲಂತಡೆಡ್ ನಡಪರೆ ಉಂಡು ಪನ್ದ್ ತುಳುವರ್ಲ್ಡ್ ಫೌಂಡೇಶನ್‌ದ ಪ್ರಧಾನ ಕಾರ್ಯಂತೆರ್ ಪ್ರೊ। ಪುರುಷೋತ್ತಮ ಬಲ್ಯಾಯೆರ್ ಪ್ರಕಟಣೆಡ್ ತೆರಿಪಾದೆರ್.

ಉಂದೆಟ್ ತುಳುನಾಡ ಜಾನಪದ ವಿದ್ವಾಂಸೆರ್, ಸಂಪನ್ಮೂಲ ಜನೊಕುಲು ಪಾಲ್‌ಪಡೆಪಿನತ್ತಂದೆ, ಬೇತೆ ರಾಜ್ಯೊರ್ದುಲಾ ವಿದ್ವಾಂಸೆರ್ ಬರ್ಪಿನ ನಿರೀಕ್ಷೆ ಉಂಡು. ದೇಶ ವಿದೇಶೊರ್ದು ಸುಮಾರ್ ನೂದೆರ್ದ್‌ಲಾ ಎಚ್ಚ ಸಂಶೋಧನಾ ಲೇಖನೊಲೆನ್ ಸ್ವೀಕರಿಪುನ ಯೋಜನೆ ಲೆಕ್ಕ ಪಾಡೊಂದೆರ್.