Last updated on January 20th, 2025 at 01:51 pm
ಕಾಪು, ಜ.20: ಉಚ್ಚಿಲ ಪೇಂಟೆಡ್ ಅಪಗಪಗ ನಡತೊಂದುಪ್ಪುನ ಎಡ್ತೆಲೆನ್ ಅಂಚೆನೇ ಜೂವೊಲು ಪೋವೊಂದುಪ್ಪುನೆನ್ ಖಂಡಿತ್‌ದ್ ಉಚ್ಚಿಲ ನಾಗರಿಕ ಹೋರಾಟ ಸಮಿತಿ ಮುತಾಲಿಕೆಡ್ ಇನಿ ಉಚ್ಚಿಲ ಪೇಂಟೆಡ್ ರಾಷ್ಟ್ರೀಯ ಪೆರ್ಸಾದಿ ಅಡ್ಡಕಟ್ಟ್‌ದ್ ಪೊರ್ಮ್ಬಾಟ ನಡತ್ಂಡ್.
ಮಾಜಿ ಸಚಿವೆ ವಿನಯ್ ಕುಮಾರ್ ಸೊರಕೆರೆನ ಮುತಾಲಿಕೆಡ್ ಈ ಪೊರ್ಮ್ಬಾಟ ನಡತ್ಂಡ್. ಪೊರ್ಮ್ಬಾಟೊಡು ಪಾಕ ಜನ ಪಾಲ್‌ಪಡೆದಿತ್ತ್‌ದ್, ರಾಷ್ಟ್ರೀಯ ಪೆರ್ಸಾದಿ 66 ಟ್ ಸಂಚಾರ ತಡೆದ್ ಪೊರ್ಮ್ಬಾಟ ಮಲ್ತೆರ್.
ಒಡಿಪು ಸಂಸದೆ ಕೋಟ ಶ್ರೀನಿವಾಸ ಪೂಜಾರ್ಲು, ಕಾಪು ಶಾಸಕೆ ಗುರ್ಮೆ ಸುರೇಶ್ ಶೆಟ್ರ್, ಒಡಿಪು ಶಾಸಕೆ ಯಶಪಾಲ್ ಸುವರ್ಣೆರ್ ಪೊರ್ಮ್ಬಾಟದ ಜಾಗೆಗ್ ಬತ್ತ್‌ದ್ ಪೊರ್ಮ್ಬಾಟಗಾರೆರೆ ಕಾಯೆಸ್ ಕೇಂಡೆರ್.
ತಹಶೀಲ್ದಾರ್ ಪ್ರತಿಭಾ, ಸಿಪಿಐ ಜಯಶ್ರೀ ಮಾನೆ, ಪಿಡಿ ಆಜ್ಮ ಮೊಕಲೆನ್ ಶಾಸಕೆ ಗುರ್ಮೆ ಸುರೇಶ್ ಶೆಟ್ಟಿ, ಮಾಜಿ ಸಚಿವೆ ವಿನಯ್ ಕುಮಾರ್ ಸೊರಕೆ ಒಂತೆ ಜೋರುಡು ಪಾತೆರ್ಪಯೆರ್. ತಾಪುರ್ತೋಪು ಇನಯ ಲೆತ್ತ್‌ದ್ ಸಮಸ್ಯೆಗ್ ಪಿರಿಕಟ್ಟ್ ನಾಡೆರೆ ಪನ್ತೆರ್.
ಪ್ರತಿಭಟನಾ ಸಭೆಟ್ ಬಡಾ ಗ್ರಾ. ಪಂ. ಅಧ್ಯಕ್ಷೆ ಶಿವಕುಮಾರ್ ಮೆಂಡನ್, ನಾಗರಿಕ ಸಮಿತಿ ಅಧ್ಯಕ್ಷೆ ಸಿರಾಜ್ ಉಚ್ಚಿಲ, ಪ್ರಮುಖೆರಾಯಿನ ಎಂ.ಎ. ಗಫೂರ್, ಶೇಖರ ಪೆಜಮಾಡಿ, ಇಬಾದುಲ್ಲಾ, ಮುಸ್ತಾಫ ಸಅದಿ, ವೇದವ್ಯಾಸ ಬಂಗೇರ, ಯು.ಸಿ. ಶೇಖಬ್ಬ, ಶೇಖರ್ ಪೆಜಮಾಡಿ, ಸುಕುಮಾರ್, ಶಕುಂತಳ ಶೆಟ್ಟಿ ಮೊಕುಲು ಮಾತ ಇತ್ತೆರ್.