Last updated on January 23rd, 2025 at 03:14 pm
ಕುಡ್ಲ: ಅನೈತಿಕ ಚಟುವಟಿಕೆಲು ನಡತೊಂದುಲ್ಲ ಪನ್ದ್ ಆರೋಪಿತ್‌ದ್ ಮಸಾಜ್ ಪಾರ್ಲರ್ ಒಂಜೆತ ಮಿತ್ತ್ ರಾಮ್ ಸೇನಾ ಕರ್ನಾಟಕದ ಕಾರ್ಯಕರ್ತೆರ್ ದಾಳಿ ಮಲ್ದಿನ ನಡಕೆ ಕುಡ್ಲಡ್ ನಡತ್‌ದ್ಂಡ್.
ಕುಡ್ಲದ ಬಿಜೈ ಕೆಎಸ್ಆರ್‌ಟಿಸಿ ದ ಕೈತಲ್ದ ಕಲರ್ಸ್ ಪನ್ಪಿನ ಮಸಾಜ್ ಸೆಂಟರ್‌ಗ್ ಪ್ರಸಾದ್ ಅತ್ತಾವರ ಮುತಾಲಿಕೆದ ರಾಮ ಸೇನಾ ಸಂಘಟನೆ ಕಾರ್ಯಕರ್ತೆರ್ ದಾಳಿ ಮಲ್ತ್‌ದೆರ್. ಈ ಪೊರ್ತುಡು ಮಸಾಜ್ ಸೆಂಟರ್‌ಡ್ ಇತ್ತಿನ ಪಿಠೋಪಕರಣೊಲೆಗ್ ಹಾನಿ ಮಲ್ತ್‌ದೆರ್. ಮಸಾಜ್ ಸೆಂಟರ್‌ದ ಗ್ಲಾಸ್‌ಲೆನ್ ಪೊಡಿ ಮಲ್ತ್‌ದ್ ಆಕ್ರೋಶ ತೂಪಾದೆರ್.
ದಾಳಿದ ಪೊರ್ತುಡು, ನಾಲ್ ಜನ ಜವನ್ದಿಯರ್ಲು ಅಂಚೆನೇ ಒರಿ ಆಂಜೊವು ಸೆಲೂನ್‌ಡ್ ಇತ್ತೆರ್. ಈ ಪೊರ್ತುಡು ಆಂಜೊವುನ ಮಿತ್ತ್ ಕಾರ್ಯಕರ್ತೆರ್ ಹಲ್ಲೆ ಮಲ್ತ್‌ದೆರ್. ಅತ್ತಂದಘ ಪೀಠೋಪಕರಣೊಲೆನ್ಲಾ ಪೊಡಿ ಮಲ್ದೆರ್. ಪೇಂಟೆಡೊರ್ಮೆ ಇಪ್ಪುನ ಮಸಾಜ್ ಸೆಂಟರ್‌ಲೆನ ಬಂದ್ ಮನ್ಪೆರೆ ಕಾರ್ಯಕರ್ತೆರ್ ಆಗ್ರಹ ಮಲ್ದೆರ್.