Last updated on January 18th, 2025 at 08:24 am
ಕುಡ್ಲ: ಯಾನ್ ತುಳುನಾಡ್‌ದಾಯೆ, ಬಪ್ಪನಾಡ್ ಯಾನ್ ಪುಟ್ಟಿನ ಊರ್. ಯಾನ್ ವರ್ಷೊಡು ನಾಲ್ ಸರ್ತಿ ಇಡೆ ಬರ್ಪೆ. ಯಾನ್ ತುಳುವೆ ಪನ್ಪಿನವೇ ಎಂಕ್ ಪೆರ್ಮೆ. ತುಳು ಸಿನಿಮಾಡ್ ಅಭಿನಯ ಮನ್ಪೊಡು ಪನ್ದ್ ದುಂಬುರ್ದೇ ಆಸೆ ಇತ್ತ್ಂಡ್. ಆಂಡ ಕಾಲ ಕೂಡ್‌ದ್ ಬತ್ತಿಜ್ಜಂಡೊ. ಇತ್ತೆ ರೂಪೇಶ್ ಶೆಟ್ಟಿ ನಿರ್ದೇಶನೊಡು ಬರೊಂದುಪ್ಪುನ ಜೈ ಸಿನಿಮಾ ಕಥೆ ಕೇಂದ್ ಇಷ್ಟ ಆದ್ ನಟನೆ ಮಲ್ತೊಂದುಲ್ಲೆ“ ಪನ್ದ್ ಬಾಲಿವುಡ್ ಸ್ಟಾರ್ ನಟೆ ಸುನಿಲ್ ಶೆಟ್ಟಿ ಪತ್ರಿಕಾಗೋಷ್ಟಿಡ್ ಪನ್ಡೆರ್.
ಕಾಮಿಡಿ ಸಿನಿಮಾಡ್ ಅಭಿನಯ ಮನ್ಪೊಡು ಪನ್ಪಿನ ಆಸೆ ಉಂಡು. ಎಂಕ್ ತುಳು ಸಿನಿಮಾಡ್ ಪೂರ್ಣ ಪ್ರಮಾಣೊದ ಕಾಮಿಡಿಯನ್ ಆದ್ ಅಭಿನಯ ಮನ್ಪೊಡು. ಆಂಡ ಇತ್ತೆ ಜೈ ಸಿನಿಮಾಡ್ ಗೆಸ್ಟ್ ರೋಲ್ ತಿಕ್ಕ್‌ದ್ಂಡ್. ನನದ ದಿನೊಟು ಅವಕಾಶ ತಿಕ್ಕ್ಂಡ ತೂಕ“ ಪನ್ದ್ ಪನ್ಡೆರ್.